شىعىس قازاقستان وبلىسىندا 19 ەلدٸ مەكەندٸ سۋ باسۋ قاۋپٸ بار, دەپ حابارلايدى "ۇلت اقپارات".
وسى جايلى شقو ەكٸمٸ دانيال احمەتوۆ حالىققا ەسەپ بەرۋ بارىسىندا ايتتى.
«تاسقىن قاۋپٸ جايلى ەر اۋدان ەكٸمٸ حاباردار, قۇتقارۋشىلار مەن بارلىق قاجەتتٸ تەحنيكالار دايىندالدى. تٶتەنشە جاعدايلارعا وراي بيۋدجەتتە 1,1 ملرد تەڭگە قاراستىرىلعان. 2018 جىلى بولعان وقيعا قايتالانبايدى دەپ سەنەمٸن. ول كەزدە بۇقتىرما ٶزەنٸندەگٸ مۇز قالىڭدىعى 2 مەتردەن اسقان بولاتىن», - دەدٸ ايماق باسشىسى.
ونىڭ ايتۋىنشا, بيىل مۇز قالىڭدىعى مەتردەن اسپايدى.
«قاجەتتٸ ىدىس-قاپتار دايىندالدى. سۋ ٶتكٸزگٸش قۇبىرلار مەن كٶپٸرلەر تازارتىلىپ, تارباعاتاي مەن گلۋبوكوە اۋداندارىنداعى تاسقىن سۋدىڭ الدىن الۋ ٷشٸن قوسىمشا 150 ميلليون بٶلٸندٸ», - دەدٸ دانيال احمەتوۆ.
ايتا كەتەيٸك, وبلىس ٶزەندەرٸندەگٸ جارىلىس جۇمىستارىنا 198 ميلليون تەڭگە جۇمىلدىرىلعان. جالپى ايماق بويىنشا 19 ەلدٸ مەكەندٸ سۋ باسۋ قاۋپٸ بار.
