Qazaqstannan avtokólikpen kómir shyǵarýǵa ýaqytsha shekteý engizildi, - dep habarlaidy "Ult aqparat" Indýstriia jáne infraqurylymdyq damý ministrligine silteme jasap.
"Kómirdi elden tys jerlerge avtokólikpen shyǵarýǵa tyiym salý týraly 14.09.2022 jylǵy QR Indýstriia jáne infraqurylymdyq damý ministrliginiń № 514 buiryǵy shyqty.
Ýaqytsha shekteý turǵyndar men kommýnaldyq jáne áleýmettik nysandarǵa arnalǵan kómirdiń shekaralas óńirlerge avtokólikpen tasymaldanyp, qatty otyndy kórshiles memleketterde qaita satý úshin shyǵarylǵan faktilerdiń anyqtalýyna bailanysty engizilip otyr.
Ministrliktiń bul sheshimi jergilikti kómir tieý tuiyqtary men óńir ákimdikterimen birlesip ázirlengen. Basty maqsat – 2022-2023 jyldaryndaǵy jylý berý maýsymy kezeńinde kózdelgen mejeni oryndaý jáne eldegi kómir tapshylyǵyn boldyrmaý" - delingen habarlamada.
