Almatyda elden 400 myń AQSh dollarynan asa aqsha áketpek bolǵandar ustaldy, - dep habarlaidy "Ult aqparat" UQK baspasóz qyzmetine silteme jasap.
"QR Prezidentiniń "Qazaqstan Respýblikasynyń qarjylyq turaqtylyǵyn qamtamasyz etý jónindegi sharalar týraly" Jarlyǵyn oryndaý barysynda 15 naýryzda shekarashylar Almaty qalasynyń halyqaralyq áýejaiynda elden 400 myń AQSh dollarynan asa aqsha áketý áreketiniń jolyn kesti. Olardyń bir bóligi qos túbi bar sómkege jasyrylǵan", - delingen habarlamada.
2022 jyly 25 qańtardan bastap qazirgi ýaqytqa deiin UQK Shekara qyzmeti 900 million teńgeden asa somaǵa deklaratsiialanbaǵan qolma-qol aqshany elden áketý dereginiń aldyn aldy.
UQK Shekara qyzmeti shetelge shyǵý kezinde quqyqbuzýshylyq áreketin boldyrmaý úshin QR qarjy zańnamasynyń talaptaryn saqtaý qajet ekenin eske saldy.
