Elde internettendirý úrdisi qarqyn alýda. QR-da keń jolaqty joǵary jyldamdyqty internet abonentteriniń sany jyl saiyn artyp keledi, dep habarlaidy "Ult aqparat" Ranking.kz-ke silteme jasap.
Tirkelgen internet abonentteriniń sany bir jyl ishinde 5,4%-ǵa, 2020 jyldyń qazanyna qarai 2,6 mln-ǵa deiin ósti. Onyń ishinde aýyldyq jerlerde bir jylda 11,7%-ǵa, iaǵni 583,1 myń abonentke deiin óskeni baiqaldy. Internetke qoljetimdiligi bar uialy bailanys abonentteriniń sany 7,7%-ǵa, iaǵni15,8 mln-ǵa deiin artty. 5 jyl ishinde tirkelgen internet abonentteri sanynyń ósimi 24,9%-dy, internetke qoljetimdiligi bar uialy bailanys abonentteri 56,8%-dy qurady.
Rrimeminister.kz saitynyń málimeti boiynsha, 2020 jylǵy maýsymnyń sońynda el halqynyń tsifrlyq saýattylyq deńgeii 82,1%-dy quraǵan bolatyn. 2018 jyldyń sońynda QR-da 828 aýyldyq eldimekendi TOBJ (Talshyqty-optikalyq bailanys jelisi) tehnologiiasy boiynsha keń jolaqty internetpen qamtamasyz etý jónindegi joba iske asyryla bastady. Bul QR shalǵai óńirlerinen 2,1 mln-nan astam adamdy joǵary jyldamdyqty bailanysqa qol jetkizýge múmkindik beredi. Joba biylǵy jyldyń sońyna deiin aiaqtalady, nátijesinde eldegi internettiń ený deńgeii 99,5% - ǵa jetedi, dep habarlaidy akorda.kz.
Abonentter sanynan basqa internet jyldamdyǵy da artýda: speedtest.net saitynyń derekteri boiynsha, Qazaqstanda mobildi internetti júkteý jyldamdyǵy 2020 jyldyń qazanyna qarai bir jyl ishinde 18,61-den 19,28 Mbit/s-qa deiin, al tirkelgen internet jyldamdyǵy 40,14-ten 50,74 Mbit/s-qa deiin ósti.
Barlyq jerde tsifrlandyrýdyń aiqyn nátijesi - biylǵy jyly Qazaqstan aýmaǵynda tólem kartalary boiynsha ainalymnyń jalpy kóleminde, iaǵni qolma-qol aqshasyz tólemderdiń qarajatty qolma-qol aqshaǵa ainaldyrýdan basym bolýy. Bul rette qolma-qol aqshasyz tólemderdegi internet pen mobildik tólemderdiń úlesi 2020 jylǵy qańtar-qazanda 81,4%-dy qurady, ótken jyly 69,9% bolǵan, al kartalar boiynsha ainalymdardaǵy úlesi-53,6%, bir jyl buryn 30%.
