ەلدە ينتەرنەتتەندٸرۋ ٷردٸسٸ قارقىن الۋدا. قر-دا كەڭ جولاقتى جوعارى جىلدامدىقتى ينتەرنەت ابونەنتتەرٸنٸڭ سانى جىل سايىن ارتىپ كەلەدٸ, دەپ حابارلايدى "ۇلت اقپارات" Ranking.kz-كە سٸلتەمە جاساپ.
تٸركەلگەن ينتەرنەت ابونەنتتەرٸنٸڭ سانى بٸر جىل ٸشٸندە 5,4%-عا, 2020 جىلدىڭ قازانىنا قاراي 2,6 ملن-عا دەيٸن ٶستٸ. ونىڭ ٸشٸندە اۋىلدىق جەرلەردە بٸر جىلدا 11,7%-عا, ياعني 583,1 مىڭ ابونەنتكە دەيٸن ٶسكەنٸ بايقالدى. ينتەرنەتكە قولجەتٸمدٸلٸگٸ بار ۇيالى بايلانىس ابونەنتتەرٸنٸڭ سانى 7,7%-عا, ياعني15,8 ملن-عا دەيٸن ارتتى. 5 جىل ٸشٸندە تٸركەلگەن ينتەرنەت ابونەنتتەرٸ سانىنىڭ ٶسٸمٸ 24,9%-دى, ينتەرنەتكە قولجەتٸمدٸلٸگٸ بار ۇيالى بايلانىس ابونەنتتەرٸ 56,8%-دى قۇرادى.
رrimeminister.kz سايتىنىڭ مەلٸمەتٸ بويىنشا, 2020 جىلعى ماۋسىمنىڭ سوڭىندا ەل حالقىنىڭ تسيفرلىق ساۋاتتىلىق دەڭگەيٸ 82,1%-دى قۇراعان بولاتىن. 2018 جىلدىڭ سوڭىندا قر-دا 828 اۋىلدىق ەلدٸمەكەندٸ توبج (تالشىقتى-وپتيكالىق بايلانىس جەلٸسٸ) تەحنولوگيياسى بويىنشا كەڭ جولاقتى ينتەرنەتپەن قامتاماسىز ەتۋ جٶنٸندەگٸ جوبا ٸسكە اسىرىلا باستادى. بۇل قر شالعاي ٶڭٸرلەرٸنەن 2,1 ملن-نان استام ادامدى جوعارى جىلدامدىقتى بايلانىسقا قول جەتكٸزۋگە مٷمكٸندٸك بەرەدٸ. جوبا بيىلعى جىلدىڭ سوڭىنا دەيٸن اياقتالادى, نەتيجەسٸندە ەلدەگٸ ينتەرنەتتٸڭ ەنۋ دەڭگەيٸ 99,5% - عا جەتەدٸ, دەپ حابارلايدى akorda.kz.
ابونەنتتەر سانىنان باسقا ينتەرنەت جىلدامدىعى دا ارتۋدا: speedtest.net سايتىنىڭ دەرەكتەرٸ بويىنشا, قازاقستاندا موبيلدٸ ينتەرنەتتٸ جٷكتەۋ جىلدامدىعى 2020 جىلدىڭ قازانىنا قاراي بٸر جىل ٸشٸندە 18,61-دەن 19,28 مبيت/س-قا دەيٸن, ال تٸركەلگەن ينتەرنەت جىلدامدىعى 40,14-تەن 50,74 مبيت/س-قا دەيٸن ٶستٸ.
بارلىق جەردە تسيفرلاندىرۋدىڭ ايقىن نەتيجەسٸ - بيىلعى جىلى قازاقستان اۋماعىندا تٶلەم كارتالارى بويىنشا اينالىمنىڭ جالپى كٶلەمٸندە, ياعني قولما-قول اقشاسىز تٶلەمدەردٸڭ قاراجاتتى قولما-قول اقشاعا اينالدىرۋدان باسىم بولۋى. بۇل رەتتە قولما-قول اقشاسىز تٶلەمدەردەگٸ ينتەرنەت پەن موبيلدٸك تٶلەمدەردٸڭ ٷلەسٸ 2020 جىلعى قاڭتار-قازاندا 81,4%-دى قۇرادى, ٶتكەن جىلى 69,9% بولعان, ال كارتالار بويىنشا اينالىمدارداعى ٷلەسٸ-53,6%, بٸر جىل بۇرىن 30%.
