Eldegi 180 kolledj ben jetekshi 20 JOO halyqaralyq standarttarǵa sai jańartylady. Bul jóninde Prezidenttiń baspasóz hatshysy Berik Ýáli Facebook paraqshasynda jazdy, dep habarlaidy "Ult aqparat".
Berik Ýálidiń aitýynsha, Qazaqstan Prezidenti Qasym-Jomart Toqaev Sheteldik investorlar keńesiniń plenarlyq otyrysynda bilim sapasyn arttyrýǵa baǵyttalǵan sharalar týraly aitqan.
«Prezident bilim salasyndaǵy ilgerileýshilikterge qaramastan jumys berýshilerdiń kópshiligi JOO men kolledjderdi bitirýshilerdiń bilim sapasyna kóńilderi tolmaidy dedi. Ásirese, kásibi bilim berý salasyn jańǵyrtý kerek ekenine toqtaldy. Naqty aitqanda «Jýyq aradaǵy 3 jylda 180 kolledj jáne aldyńǵy qatarly 20 JOO qurylady», - dedi. Bul jerde bir máseleni eskergen jón. JOO men kolledjder jańadan ashylmaidy. QR Bilim jáne ǵylym ministrliginiń habarlaýynsha, «Jas maman» jobasy aiasynda eldegi bar 20 JOO men 180 kolledj iriktep alynyp, jańartylady, jańǵyrtý jumystary júrgiziledi. Onda arnaiy ortalyqtar men zamanaýi ǵylymi zerthanalar qurylyp, deńgeileri halyqaralyq standarttarǵa deiin jetkiziledi», - dep jazdy Berik Ýáli.
Baspasóz hatshysynyń jazýynsha, bul maqsatqa, iaǵni JOO men kolledjderdi modernizatsiialaýǵa aldaǵy 3 jylda respýblikalyq biýdjetten 58 mlrd teńge bólinedi.
«Jas maman» jobasynyń basty maqsaty - indýstrialdy jáne qyzmet kórsetý salalaryndaǵy eń suranysqa ie 100 mamandyq boiynsha mamandar daiarlaý. Joba aiasynda kolledjder zamanǵa sai qural-jabdyqtarmen jabdyqtalatyn bolady. Sheteldik mamandar, ustazdarymyzdy oqytyp, daiyndaidy. Oqý oryndary halyqaralyq salalyq akkreditatsiiadan ótedi.
«Bastysy - sheteldik áriptesterimizdi tarta otyryp, bilim berý baǵdarlamalaryn modernizatsiialaý, edáýir jańartý», - dedi Prezident.
Memleket basshysy bul jastardy qoldaýǵa jáne bilim salasyn jańǵyrtýǵa baǵyttalǵan asa mańyzdy joba ekenin aitty.
.jpeg)