2018 jyldyń 7 aiyndaǵy otyn-energetika salasynyń negizgi damý kórsetkishteri týraly QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda energetika ministri Qanat Bozymbaev aityp berdi, dep habarlaidy "Ult aqparat" primeminister.kz portalyna silteme jasap.
Energetika ministrliginiń málimetinshe, munai men kondensant alý kólemi 53 mln teńgege jýyq boldy, bul 2017 j. osyndai kezeńimen salystyrǵanda 6,1% artyq.
«Úsh iri joba boiynsha munai alý 31,9 mln t qurady, onyń ishinde Qashaǵan ken ornynda – 7,4 mln t, Teńizde – 17,2 mln t, Qarashyǵanaqta – 7,3 mln t», — aqparattandyrdy Q. Bozymbaev.
Sonymen qatar, munai eksporty 42,8 mln t qurady, bul 2017 j. osy kezeńmen salystyrǵanda 6,1% artyq. Munai óńdeý kólemi 9,18 mln t qurady. Munda ósim 2017 jyldyń osy kezeńimen salystyrǵanda 4,5% kórsetti. Úsh MÓZ munai ónimderin óndirý kólemi 6,38 mln t qurady, bul 2017 jyldyń osy kezeńimen salystyrǵanda 1,3% artyq.
«Jalpy, munai ónimderi naryǵyndaǵy jaǵdai turaqty jáne janar-jaǵarmai tapshylyǵy joq», — dedi Q. Bozymbaev.
Ministr atap ótkendei, Qazaqstanda Ai-92 janarmaiynyń ortasha quny 156,13 teńge, dizeldi otyn — 181,83 teńge. 13.08.2018 j. málimet boiynsha, janar-jaǵarmai qaldyǵy ishki naryqtyń qajettilikterin óteý úshin jetkilikti: AI-92 janarmaiy — 336 myń tonna, dizeldi otyn — 246 myń tonna.
Aýyl sharýashylyǵy taýarlaryn óndirýshiler úshin kúzgi egin jumystaryn júrgizý úshin 394,4 myń t. janar-jaǵarmai bólingenin atap ótken jón.
Gaz óndirý kólemi 32,8 mlrd m3 qurady. Esepti kezeńde 12,3 mlrd m3 gaz eksporttaldy. 7 ai ishinde 1,8 mln t suiytylǵan gaz, 486,5 myń t munai bitýmy, 63,4 mlrd kVts elektr energiiasy óndirildi. Kómir kontsentratynsyz, kómir óndirý kólemi 60 mln t qurap, ótken jyldyń osy kezeńimen salystyrǵanda 3,9% ósim kórsetti.
7 ai ishinde ishki naryqqa 42,5 mln t kómir jetkizildi, eksport — 15,5 mln t. Qazaqstandyq tutynýshylarǵa jetkizilgen kómirdiń jalpy kóleminen 76,2% nemese 32,4 mln t energiia óndiretin kásiporyndarǵa jetkizildi. Kommýnaldyq-turmystyq qajettilikterge 5,3 mln t kómir jetkizildi, bul ótken jyldyń sáikes kezeńimen salystyrǵanda 50,6 myń tonnaǵa az.
Ýran óndirý kólemi 12,5 myń tonnaǵa jýyq boldy, bul 2017 j. osy kezeńimen salystyrǵanda 94% quraidy. Atalǵan kórsetkishtiń tómendeýi álemdik naryqta ýran baǵasynyń turaqty túrde tómen bolýyna bailanysty.
«Otyn-energetika salasy turaqty damyp keledi. Negizgi kórsetkishterge qol jetkizý ministrliktiń turaqty baqylaýynda jáne monitoringke alynǵan», — dep túiindedi Q. Bozymbaev.
