2018 جىلدىڭ 7 ايىنداعى وتىن-ەنەرگەتيكا سالاسىنىڭ نەگٸزگٸ دامۋ كٶرسەتكٸشتەرٸ تۋرالى قر پرەمەر-مينيسترٸ باقىتجان ساعىنتاەۆتىڭ تٶراعالىعىمەن ٶتكەن ٷكٸمەت وتىرىسىندا ەنەرگەتيكا مينيسترٸ قانات بوزىمباەۆ ايتىپ بەردٸ, دەپ حابارلايدى "ۇلت اقپارات" primeminister.kz پورتالىنا سٸلتەمە جاساپ.
ەنەرگەتيكا مينيسترلٸگٸنٸڭ مەلٸمەتٸنشە, مۇناي مەن كوندەنسانت الۋ كٶلەمٸ 53 ملن تەڭگەگە جۋىق بولدى, بۇل 2017 ج. وسىنداي كەزەڭٸمەن سالىستىرعاندا 6,1% ارتىق.
«ٷش ٸرٸ جوبا بويىنشا مۇناي الۋ 31,9 ملن ت قۇرادى, ونىڭ ٸشٸندە قاشاعان كەن ورنىندا – 7,4 ملن ت, تەڭٸزدە – 17,2 ملن ت, قاراشىعاناقتا – 7,3 ملن ت», — اقپاراتتاندىردى ق. بوزىمباەۆ.
سونىمەن قاتار, مۇناي ەكسپورتى 42,8 ملن ت قۇرادى, بۇل 2017 ج. وسى كەزەڭمەن سالىستىرعاندا 6,1% ارتىق. مۇناي ٶڭدەۋ كٶلەمٸ 9,18 ملن ت قۇرادى. مۇندا ٶسٸم 2017 جىلدىڭ وسى كەزەڭٸمەن سالىستىرعاندا 4,5% كٶرسەتتٸ. ٷش مٶز مۇناي ٶنٸمدەرٸن ٶندٸرۋ كٶلەمٸ 6,38 ملن ت قۇرادى, بۇل 2017 جىلدىڭ وسى كەزەڭٸمەن سالىستىرعاندا 1,3% ارتىق.
«جالپى, مۇناي ٶنٸمدەرٸ نارىعىنداعى جاعداي تۇراقتى جەنە جانار-جاعارماي تاپشىلىعى جوق», — دەدٸ ق. بوزىمباەۆ.
مينيستر اتاپ ٶتكەندەي, قازاقستاندا اي-92 جانارمايىنىڭ ورتاشا قۇنى 156,13 تەڭگە, ديزەلدٸ وتىن — 181,83 تەڭگە. 13.08.2018 ج. مەلٸمەت بويىنشا, جانار-جاعارماي قالدىعى ٸشكٸ نارىقتىڭ قاجەتتٸلٸكتەرٸن ٶتەۋ ٷشٸن جەتكٸلٸكتٸ: اي-92 جانارمايى — 336 مىڭ توننا, ديزەلدٸ وتىن — 246 مىڭ توننا.
اۋىل شارۋاشىلىعى تاۋارلارىن ٶندٸرۋشٸلەر ٷشٸن كٷزگٸ ەگٸن جۇمىستارىن جٷرگٸزۋ ٷشٸن 394,4 مىڭ ت. جانار-جاعارماي بٶلٸنگەنٸن اتاپ ٶتكەن جٶن.
گاز ٶندٸرۋ كٶلەمٸ 32,8 ملرد م3 قۇرادى. ەسەپتٸ كەزەڭدە 12,3 ملرد م3 گاز ەكسپورتتالدى. 7 اي ٸشٸندە 1,8 ملن ت سۇيىتىلعان گاز, 486,5 مىڭ ت مۇناي بيتۋمى, 63,4 ملرد كۆتس ەلەكتر ەنەرگيياسى ٶندٸرٸلدٸ. كٶمٸر كونتسەنتراتىنسىز, كٶمٸر ٶندٸرۋ كٶلەمٸ 60 ملن ت قۇراپ, ٶتكەن جىلدىڭ وسى كەزەڭٸمەن سالىستىرعاندا 3,9% ٶسٸم كٶرسەتتٸ.
7 اي ٸشٸندە ٸشكٸ نارىققا 42,5 ملن ت كٶمٸر جەتكٸزٸلدٸ, ەكسپورت — 15,5 ملن ت. قازاقستاندىق تۇتىنۋشىلارعا جەتكٸزٸلگەن كٶمٸردٸڭ جالپى كٶلەمٸنەن 76,2% نەمەسە 32,4 ملن ت ەنەرگييا ٶندٸرەتٸن كەسٸپورىندارعا جەتكٸزٸلدٸ. كوممۋنالدىق-تۇرمىستىق قاجەتتٸلٸكتەرگە 5,3 ملن ت كٶمٸر جەتكٸزٸلدٸ, بۇل ٶتكەن جىلدىڭ سەيكەس كەزەڭٸمەن سالىستىرعاندا 50,6 مىڭ تونناعا از.
ۋران ٶندٸرۋ كٶلەمٸ 12,5 مىڭ تونناعا جۋىق بولدى, بۇل 2017 ج. وسى كەزەڭٸمەن سالىستىرعاندا 94% قۇرايدى. اتالعان كٶرسەتكٸشتٸڭ تٶمەندەۋٸ ەلەمدٸك نارىقتا ۋران باعاسىنىڭ تۇراقتى تٷردە تٶمەن بولۋىنا بايلانىستى.
«وتىن-ەنەرگەتيكا سالاسى تۇراقتى دامىپ كەلەدٸ. نەگٸزگٸ كٶرسەتكٸشتەرگە قول جەتكٸزۋ مينيسترلٸكتٸڭ تۇراقتى باقىلاۋىندا جەنە مونيتورينگكە الىنعان», — دەپ تٷيٸندەدٸ ق. بوزىمباەۆ.
