Úkimettiń «Qazaqstan Respýblikasynyń aýmaǵynda ýaqytty esepteý tártibi týraly» Qaýlysyna sáikes 2024 jylǵy 1 naýryz saǵat 00:00-den bastap eldiń búkil aýmaǵynda biryńǵai saǵattyq beldeý belgilenedi (UTC+5), dep habarlaidy "Ult aqparat".
Astana, Almaty, Shymkent qalalarynyń, Aqmola, Almaty, Jambyl, Qaraǵandy, Qostanai, Pavlodar, Soltústik Qazaqstan, Túrkistan, Shyǵys Qazaqstan oblystarynyń jáne Abai, Jetisý, Ulytaý oblystarynyń ákimdikteri 2024 jylǵy 29 aqpannan bastap 2024 jylǵy 1 naýryzǵa qaraǵan túni (saǵat 00:00-de) jergilikti ýaqytty 1 saǵat keiinge shegeredi.
Aita keteiik, Qazaqstanda ýaqytty esepteý máseleleri boiynsha jumys tobyna kirgen qazaqstandyq ǵalymdar men sarapshylar Biryńǵai ýaqyt beldeýin qurýdy usyndy.
Jumys toby 2023 jyldyń sáýir aiynda qazaqstandyqtardyń neǵurlym qolaily ýaqyt beldeýine kóshý týraly birneshe ret ótinishterine bailanysty quryldy. Oǵan ǵylymi institýttardyń, meditsinalyq joǵary oqý oryndarynyń, ortalyq jáne jergilikti memlekettik organdardyń ókilderi, Parlament depýtattary jáne t. b. kirdi.
Jyl boiy meditsina, fiziologiia, geografiia, metrologiia siiaqty túrli baǵyttardy usynatyn jumys tobynyń músheleri Qazaqstan aýmaǵynda qolaily ýaqyt beldeýin belgileý máselesin zerttedi.
Jumys tobynyń qatysýshylary UTC+5 Biryńǵai ýaqyt beldeýine kóshý Qazaqstannyń kóptegen óńirleri shynaiy(tabiǵi) ýaqytqa barynsha jaqyn ýaqytty paidalanatyn eń durys jáne ońtaily nusqa bolyp tabylady degen pikirge kelisti.
Bul rette jumys toby halyqaralyq tájiribeni zerdeledi, onyń barysynda biryńǵai ýaqyt beldeýi álemniń 175 elinde qoldanylatyndyǵy anyqtaldy, al birden kóp ýaqyt beldeýinde nebári 22 memleket turady.
Saǵat beldeýine qalai beiimdelý kerek
Alǵashqy kúnderi aǵzaǵa kóbirek uiqy berip, múmkindiginshe uiqynyń uzaqtyǵyn bir saǵatqa uzartqan durys, sonymen qatar durys tamaqtaný rejimin saqtaý kerek (maily, ashy, ystalǵan taǵamdardy, fast-fýdty, táttilerdi alyp tastańyz), dárýmenderge bai taǵamdarmen baiytyńyz. Taza aýada kóbirek qozǵalý jáne serýendeý, shamadan tys júktemeni azaitý, ásirese balalar men qart adamdar, osylaisha kásibi jáne turmystyq júktemeni azaitý paidaly bolady. Balalarǵa qatysty balaǵa kóbirek kóńil bólý jáne onyń qyńyrlyǵyna tózimdilik tanytý. Egde jastaǵy adamdarǵa uiyqtar aldynda jeńil serýendeýge, shamadan tys fizikalyq belsendilikten aýlaq bolýǵa, qan qysymyn baqylaýǵa keńes beriledi.
Poezd ben samoletke qalyp qoimas úshin ne bilý kerek?
QR Kólik ministrligi kórshiles temirjol ákimshilikterimen jáne «Qazaqstan temir joly UK» AQ qatysýshy qyzmetterimen birlesip jolaýshylar poezdarynyń qozǵalys kestesine ózgerister engizý boiynsha jumystar júrgizdi. Jolaýshylar poiyzdarynyń barlyq ózgeristeri resmi saittar men internet-resýrstarda qol jetimdi.
Jolaýshylardy ýaqtyly habardar etý úshin qyzmetkerler arasynda QR boiynsha Biryńǵai ýaqyt beldeýine kóshý kezinde jolaýshylar jáne qala mańyndaǵy poezdardyń júrý tártibi týraly tiisti nusqamalar júrgizilýde.
Jolaýshylar anyqtamalyq aqparatty 1433 nómiri boiynsha «Jolaýshylar tasymaly» AQ biryńǵai telefon anyqtamalyq qyzmeti arqyly nemese @KTZH_PP_BOT Telegram botynyń kómegimen tegin ala alady.
Azamattarǵa qolaily jaǵdai jasaý úshin aviakompaniialar tarapynan aviakompaniialardyń resmi saittarynda jáne áleýmettik jelilerinde barlyq qajetti aqparattyq qoldaý kórsetedi. Atap aitqanda, Air Astana, SCAT jáne Qazaq Air aviakompaniialary aviabiletterdi satý júielerine barlyq qajetti ózgerister engizdi, sondai-aq barlyq jolaýshylarǵa tiisti habarlamalar joldandy.
29 aqpannan 2 naýryz aralyǵynda Qazaqstannyń Aviatsiialyq ákimshiliginiń jedel shtabynyń negizinde 8 7172 798214, 8 7172 798213 nómirleri boiynsha «jedel jeli» jumys isteitin bolady. Sondai-aq, reistiń ózekti mártebesin naqtylaý úshin jolaýshylar áýejaidyń anyqtamalyq qyzmetterine jáne Air Astana aviakompaniialarynyń Call-ortalyqtaryna kelesi nómirler boiynsha 8 727 244 44 77, 8 7172 58 44 77, 8 702 702 44 77; FlyArystan 8 727 331 1010 (WhatsApp 8 702 702 0227); SCAT 8 7252 99 88 80; Qazaq Air 8 727 356 14 14 júginýi kerek.
Saǵatty aýystyrý kezinde gadjetter men tehnikany qalai daiyndaý kerek?
Qazaqstan Respýblikasy Tsifrlyq damý, innovatsiialar jáne aeroǵarysh ónerkásibi ministrligi qazaqstandyqtarǵa olardy jańartý jáne jańa ýaqyt beldeýine ýaqtyly kóshý úshin ámbebap nusqaýlyqty usynady.
Bul jańartýlardy almaǵan azamattar olardyń joqtyǵynan alańdamaýy kerek. Qurylǵylardyń baǵdarlamalyq jasaqtamasyn sońǵy nusqasyna deiin jańartý qajet.
Avtomatty jańartý, parametrlerde ýaqytty avtomatty túrde anyqtaý jáne internet bailanysy qosylǵan kezde-ýaqyt avtomatty túrde ózgeredi, eger joq bolsa – qolmen ózgertý kerek.
Jalpy usynystar
1. Internet bailanysyn tekserińiz. Ýaqytty avtomatty túrde jańartý úshin qurylǵy jelige qosylýy kerek.2. Ýaqytty avtomatty túrde jańartýdy qosyńyz. Kóptegen qurylǵylar jelilik ýaqyt qyzmetterin paidalanyp kún men ýaqytty avtomatty túrde jańartýǵa múmkindik beredi.
3. Qurylǵyny óshirip qaita iske qosyńyz. Keide ózgeristerdi qoldaný úshin óshirip qaita qosý qajet.
Operatsiialyq júieler boiynsha nusqaýlyq
Windows
1. «Basqarý taqtasy» > saǵat jáne aimaq > Kún men ýaqytty ashyńyz.
2. «Internettegi ýaqyt» qoiyndysyna ótip, parametrlerdi «Ózgertý» túimesin basyńyz.
3. Internet ýaqytymen «Sinhrondaý» optsiiasy iske qosylǵanyna kóz jetkizip, «Qazir jańartý»túimesin basyńyz.
4. Eger avtomatty jańartý jumys istemese, Kún men ýaqyt qoiyndysyna ótip, «Kún men ýaqytty ózgertý» túimesin basyp, durys ýaqytty qolmen ornatyńyz.
macOS
1. Júie parametrleri > Kún men ýaqytty ashyńyz.
2. Kún men ýaqytty avtomatty túrde retteý optsiiasy tańdalǵanyna kóz jetkizińiz.
3. Eger qolmen ornatý qajet bolsa, osy optsiiany alyp tastańyz jáne qajetti ózgertýlerdi qolmen jasańyz.
Android
1. Parametrler > Júie > kún men ýaqytty ashyńyz.
2. Kún men ýaqytty avtomatty anyqtaýdy jáne avtomatty ýaqyt beldeýin qosyńyz.
3. Eger avtomatty ornatý jumys istemese, osy optsiialardy óshirip, kúndi, ýaqytty jáne ýaqyt beldeýin qolmen ornatyńyz.
iOS (iPhone i iPad)
1. Parametrler > Jalpy > Kún men ýaqytqa ótińiz.
2. Kún men ýaqytty ornatý optsiiasy úshin avtomatty túrdi qosyńyz.
3. Qajet bolsa, bul optsiiany óshirip, durys ýaqyt pen kúndi qolmen ornatyńyz.
Qiyndyqtar týyndaǵan jaǵdaida
• Amaldyq júieniń jańartýlaryn tekserińiz. Qurylǵynyń OJ-niń sońǵy nusqasyna deiin jańartylǵanyna kóz jetkizińiz.
• Basqa jelilik ýaqyt qyzmetine aýysyńyz. Keibir operatsiialyq júielerde balama ýaqyt serverlerin tańdaýǵa bolady.
• Ýaqyt beldeýiniń parametrlerin tekserińiz. Ornalasqan jerińiz úshin durys ýaqyt beldeýi tańdalǵanyna kóz jetkizińiz.
• Jeli parametrlerin tazalańyz. Keibir qurylǵylarda jeli parametrlerin jańǵyrtý ýaqytty avtomatty túrde sinhrondaý máselelerin sheshýge kómektesedi.
• Qoldaý qyzmetine habarlasyńyz. Eger másele sheshilmese, kásibi kómek qajet bolýy múmkin.
