Qyrǵyzdyń memlekettik ulttyq qaýipsizdik komiteti (MUQK) AQSh-tyń Qyrǵyzstandaǵy elshiliginiń turǵyndardy bul elde terakt bolýy múmkin ekendigi týraly habardar etýin tekserip jatyr. Komitettegilerdiń aitýynsha, elshiliktegiler arnaiy qyzmetke bul týraly eshqandai málimet bermegen. Tekserý baspasózde jariialanǵan málimdemeden soń bastaldy.
Sentralasian.org agenttiginiń habarlaýynsha, Tekserý júrgizýge Qyrǵyzstannyń syrtqy ister ministrligi de qosylǵany belgili boldy. Buǵan deiin elshililiktegiler Qyrǵyzstanda qazan aiynda terrorlyq shabýyl týraly málimet alǵanyn habarlady. Jergilikti bilik pen sheteldik diplomattarǵa qarsy jasalatyn shabýyldar kezinde adamdardy urlap áketip, kepildikke alýy múmkin dep habarlandy.
"AQSh azamattaryna tikelei qaýip tónip turmasa da, Elshilik Qyrǵyz Respýblikasynda turatyn nemese osynda qydyryp kelgen AQSh azamattaryna saq bolýyn eskertedi", - delingen habarlamada.
