Er adam kinoteatrda popkornǵa qaqalyp qaitys boldy Er adam kinoteatrda popkornǵa qaqalyp qaitys boldy Almatyda qaldyqtardy kádege jaratý zaýytynyń qurylysy bastalady Almatyda qaldyqtardy kádege jaratý zaýytynyń qurylysy bastalady
Qoǵam

Elde taǵy 2,2 myń adam Covid juqtyrǵan

Ult portaly
Elde taǵy 2,2 myń adam Covid juqtyrǵan


Qazaqstan densaýlyq saqtaý ministrliginiń málimetinshe, 22 mamyrda elde 2167 adamnan koronavirýs anyqtalǵan. Al 21 mamyrdaǵy esepke sai, Covid indetinen 25 adam qaitys bolǵan, 86 adam "koronavirýs pnevmoniiasyna" shaldyqqan.

Qazir elde barlyǵy 373 182 adamnan koronavirýs tabylǵan. 2020 jyldyń 13 naýryzynan beri resmi túrde 3787 adam koronavirýstan qaitys bolǵan.

Ministrlik "koronavirýs pnevmoniiasynyń" esebin (PTR testi teris, biraq Covid belgileri bar) 2020 jyldyń 1 tamyzynan bastap júrgizip keledi. Al oǵan deiingi osy indetpen aýyrǵandardyń esebi resmi statistikaǵa enbei qalǵan. Osy ýaqytqa deiin resmi túrde 54 691 adam "pnevmoniiaǵa" shaldyǵyp, 3340 adam qaitys bolǵan.

Ótken aptada ministrlik indet bastalǵaly bir jyl tórt ai ishinde tirkelgen derekter "naqtylanǵannan keiin" Covid dertinen qaitys bolǵandar deregine 2 myńnan astam adam ólimin engizgen.

Qazir elde 34 003 adam Covid dertinen emdelip jatyr. Olardyń 12 968 adam aýrýhanada. 744 adamnyń jaǵdaiy aýyr, 172 naýqastyń jaǵdaiy óte aýyr. 93 adam jasandy tynys alý apparatyna qosylǵan.

Ministrlik dereginshe, elde 23 mamyrǵa deiin 1,98 mln adam koronavirýsqa qarsy ekpeniń bir dozasyn, 918 myńdai adam eki dozasyn alǵan. El turǵyndary reseilik "Spýtnik V", qazaqstandyq QazVac jáne BAÁ elinde jasalǵan qytailyq Sinopharm kompaniiasynyń vaktsinasyn qabyldap jatyr.

8 mamyrda amerikalyq IHME zertteý ortalyǵy 20 eldegi ólim deńgeiin saralaǵan. Institýt Qazaqstanda koronavirýstan 81 696 adam qaitys bolǵan dep eseptegen. Demek, IHME esebinshe bul elde koronavirýstan kóz jumǵandar resmi statistikadan 14,5 ese kóp. Qazaqstan densaýlyq saqtaý ministrligi amerikalyq institýttyń deregin joqqa shyǵarǵan.

AQSh-ta ornalasqan Djonc Hopkins ýniversitetiniń esebinshe álemde 166 mln adam koronavirýsqa shaldyqqan. 147 mln adam dertten aiyqsa, 3,4 mln adam qaitys bolǵan.

Oqi otyryńyz