Qazaqstanda infliatsiianyń ósimi ýaqytsha, sondai-aq ornyqty ishki jáne syrtqy faktorlardyń teris yqpalynan týyndady. Bul týraly QR Ulttyq banki tóraǵasynyń orynbasary Aqyljan Baimaǵambetov QazAqparat tilshisine bergen ekskliýzivti suhbatynda málim etti.
«Birinshiden, janar-jaǵarmai, elektr qýaty jáne jekelegen azyq-túlik taýarlary edáýir qymbattady. Kóptegen pozitsiialar boiynsha baǵanyń ósý qarqyny eki tańbaly sanmen esepteledi. Tutynýshylyq suranystyń qalpyna kelýi infliatsiianyń ósýine yqpal etti», - dedi A. Baimaǵambetov suhbat barysynda.
Onyń aitýynsha, ekinshi sebep - Reseiden keletin «infliatsiia importy» ishki baǵalarǵa qosymsha qysym kórsetip otyr.
«Kórshi elde de baǵa tez kóterilip jatyr – onda infliatsiia 6,5%-ǵa deiin jyldamdady. Bul – sońǵy 5 jyldaǵy eń joǵary kórsetkish. Buǵan jaýap retinde Reseidiń Ortalyq banki mólsherlemeni 6,5%-ǵa deiin birden 100 bazistik tarmaqqa kóterý jónindegi sońǵy sheshimdi qosqanda, sońǵy ailarda negizgi mólsherlemeni birneshe ret kóterdi. Úshinshiden, kóptegen elderde infliatsiiaǵa áser etetin jahandyq faktorlardyń biri – shikizat pen azyq-túlik taýarlaryna álemdik baǵanyń ósýi. Azyq-túliktiń álemdik baǵa indeksi shamamen bir jyl boiy ósip kele jatqanyn biz baiqap otyrmyz, bul tamaq ónimderiniń barlyq negizgi sanattaryna belsendi suranysty kórsetedi», - deidi ol.
Sondai-aq, basqarma tóraǵasy Birikken Ulttar Uiymynyń boljamyna sáikes atalǵan úrdis 2022 jyly da jalǵasady degen paiymdy alǵa tartty.
Buǵan deiin habarlaǵanymyzdai, QR Ulttyq banki bazalyq mólsherlemeni 9%-dan 9,25% deiin kóterdi.
