Qazaqstanda áleýmettik turǵydan qorǵalýy qajet toptardy, sonyń ishinde balalar men jasóspirimderdi de qamtyǵan qylmystyq áreketter ashyldy. Bul týraly Ult.kz habarlaidy.
Adam saýdasyna qatysty birqatar aýyr qylmystyń aldyn alý boiynsha jumystar júrgizilip, jalpy 39 fakt tirkelgen, onyń altaýy kámeletke tolmaǵandarǵa qatysty bolǵan.
"Almaty qalasynda jańa týǵan nárestelerdi satý faktisine qatysy bar qylmystyq top áshkerelendi. Uiymdastyrýshylar qiyn ómirlik jaǵdaiǵa tap bolǵan jas áielderdi materialdyq syiaqy úshin sábiin bógde adamdarǵa berýge itermelegen. Uiymdastyrýshylar qiyn ómirlik jaǵdaiǵa tap bolǵan jas áielderdi materialdyq syiaqy úshin sábiin bógde adamdarǵa berýge itermelegen", - delingen habarlamada.
Sondai-aq Astanada azamattardy seksýaldyq maqsatta paidalanýǵa arnalǵan pritondardy uiymdastyrý jáne ustaý boiynsha segiz adam qylmystyq jaýapkershilikke tartylýda.
"Buǵan deiin Astana, Almaty jáne Shymkent qalalarynda "elitalyq eskort" uiymdastyrýshylarynyń qyzmeti toqtatyldy. Olar túngi klýbtar men barlarǵa jas qyzdardy tartyp, jeńgetailyqpen ainalysqan. Qylmystyq ister sotqa jiberildi. Sonymen qatar Almaty men Astana qalalarynyń túngi oiyn-saýyq oryndarynda profilaktikalyq reidtik is-sharalar ótkizildi", - dep habarlaidy IIM.
