Japoniiaǵa sapar sátti ótti
Tómende Aziiadaǵy eki damyǵan elge saparlardyń máni men mazmunyn asha túsetin álemdik BAQ-tardaǵy únqatysýlar jariialanyp otyr.
Qarashanyń 6-sy kúni Japoniianyń biregei teleradio korporatsiiasy «NHK» «Ortalyq Aziiada ornalasqan Qazaqstan Respýblikasynyń basshysy Nursultan Nazarbaev búgin Japoniiaǵa keldi» dep habarlady. Keńes kezindegi iadrolyq synaq saldarynan áli de kóptegen azamattardyń densaýlyq zardabyn tartyp jatqanyn aita kele, «Qazaqstan Prezidenti qarashanyń 6-sy men 9-y aralyǵynda Japoniiada bolyp, imperatormen jáne premer-ministr Abe Shindzomen kezdesedi. Bul kezdesýlerde eki el arasyndaǵy ekonomikalyq yntymaqtastyq týraly pikir almasady. Sondai-aq, ol Parlamentte baiandama jasaidy» degen.
«Qazaqstanda Keńes dáýirinde soltústik-shyǵystaǵy Semei poligonynda 450-den astam synaq jasalyp, qazirde sol aimaqtaǵy halyq sonyń zardabyn tartýda. Sondyqtan Prezident Nazarbaev qarashanyń 9-ynda Hirosimaǵa baryp, Beibitshilik parkinde bolyp, Atom bombasy mýzeiine bas suǵady. BUU qurylǵan kúnnen bastap 2045 jylǵa deiingi 100 jyldyq merzimge arnalǵan atom bombasy jarylysyna jol bermeýge qatysty ǵalamdyq maqsat týraly sóz sóileidi. Buǵan qosa, Prezident Nazarbaev munai men tabiǵi gaz siiaqty resýrstarǵa bai Qazaqstanǵa biznes ókilderin shaqyrý maqsatynda kelesi jyly Astana qalasynda ótetin, energiiany basty taqyryp etken halyqaralyq kórme jaily japon kásipkerlerimen áńgimelesedi».
* * *
Japon basylymy, sondai-aq, «Qazaqstan Prezidenti atom bombasy jarylysyn bastan ótkergen Hirosima qalasyna alǵash ret barmaq» dep habarlaǵan. «Asahidiń» jazýynsha, Qazaqstan Prezidentiniń sózin japon imperatory zor yqylaspen, muqiiat tyńdaǵan.
Jalpy, «Asahi» basylymy Qazaqstan Prezidentiniń Japoniiaǵa resmi saparmen baratyny týraly aqparatty qazan aiynyń ortasynan bastap taratqan. Qazannyń 15-si kúni gazet betinde «Japoniianyń Ministrler kabinetiniń Bas hatshysy Sýga Ioshihide Qazaqstan Prezidenti Nursultan Nazarbaevtyń qarasha aiynyń 6-9 aralyǵynda resmi saparmen keletinin málimdedi» degen habar jariialandy. Osy jariialanymda Qazaqstan Respýblikasynyń 2017 jyldan bastap Ortalyq Aziia elderiniń arasynda tuńǵysh ret BUU Qaýipsizdik Keńesiniń turaqty emes múshesi bolyp sailanǵany týraly da jazylǵan.
* * *
Qarashanyń 8 juldyzynda «Tokai» ýniversiteti aqparattyq saitynda Elbasyna qurmetti professor ataǵynyń berilgeni týraly material jariialady. Maqalada Nursultan Nazarbaevtyń 1990 jyly Prezident bolyp sailanǵannan bastap qazaq jastarynyń shet elde bilim alýyna múmkindik beretin «Bolashaq» stipendiiasyn taǵaiyndap, Japoniia men Qazaqstannyń ǵylymi áriptestigi men dostyq bailanysyn damytýǵa zor úles qosqany týraly jazylǵan. Sondai-aq, Japoniiadaǵy «Tokai» ýniversiteti men Astanadaǵy «Nazarbaev Ýniversitet», «Nazarbaev ziiatkerlik mektebi» arasyndaǵy áriptestik baǵdarlamalarynyń qolǵa alynǵany da jazylǵan.
Qazaqstan Prezidentiniń Japoniiaǵa saparyn jan-jaqty nasihattaǵan «NHK» arnasy 9 qarashada Nursultan Nazarbaevtyń Hirosima azamattarymen kezdesýin kórsete otyryp, «Qazaqstan Prezidenti Hirosimaǵa alǵash ret saparmen baryp, iadrolyq qarýdy toqtatýǵa úndedi» degen taqyryppen material jariialady. Maqalada «Keńes dáýirinde poligon alańyna ainalǵan Ortalyq Aziiadaǵy Qazaqstannyń Prezidenti jarylys bolǵan Hirosimaǵa alǵash ret saparmen baryp, bárimizdiń moinymyzda iadrolyq qarýdy joiý degen úlken jaýapkershilik bar ekenin aita kele, Japoniiamen yntymaqtastyq turǵysyndaǵy pikirlerin jetkizdi» delingen.
Aýdarǵan
Sharafat Jylqybaeva,
Japontanýshy
Ortaq múddelestik tanytyldy
Trend news agency, sonymen qatar, qazirgi tańda 465 ońtústikkoreialyq kompaniia Qazaqstanda túrli sala boiynsha, sonyń ishinde óndiris, saýda jáne qyzmet kórsetý, qurylys, agroónerkásiptik keshen, konsalting jáne qarjy, jer qoinaýyn paidalaný jáne barlaý salalarynda jumys istep jatqanyna toqtalǵan. «Buǵan qosa, Qazaqstanda himiialyq ónerkásip, energiia óndirisi, mashina jasaý, farmatsevtika, aqparattyq jáne kommýnikatsiialyq tehnologiia, taý-ken metallýrgiia kesheni, infraqurylym jáne jeńil ónerkásip salalary boiynsha 27 ońtústikkoreialyq-qazaqstandyq birlesken kásiporynnyń tetigi iske qosylǵan», dep habarlady trend news agency.
* * *
Agenttik kelissózder aiasynda koreilik taraptyń Qazaqstannyń BUU Qaýipsizdik Keńesiniń 2017-2018 jyldardaǵy Turaqty emes músheligine sailanýyna orai, Nursultan Nazarbaevtyń iadrolyq qarýǵa qarsy bastamalary ilgerileitinine senim bildirgenin, budan bólek, Ońtústik Koreianyń Qazaqstanmen kólik-tranzit salasynda áriptestik ornatýǵa qyzyǵýshylyq tanytqanyn jetkizdi.
* * *
Atalǵan aqparat agenttiginiń aitýynsha, Nursultan Nazarbaev pen Pak Kyn He Seýldegi ekijaqty kezdesý kezinde BUU Qaýipsizdik Keńesiniń qararyna sáikes, Soltústik Koreianyń iadrolyq qarý baǵdarlamasynda kórinis tapqan barlyq qyzmet etý tetikterin tez arada toqtatýǵa jáne túbegeili bas tartýǵa shaqyrǵan, sonymen qatar, memleket basshylary Soltústik Koreiadaǵy adam quqyqtary máselesine erekshe alańdaýshylyq bildirgen.
* * *
Ázirlegen
Láila EDILQYZY,
«Egemen Qazaqstan»
.jpeg)