Maqtaaral aýdandyq ishki saiasat, mádeniet jáni tilderdi damytý bólimi men «Jastar resýrstyq ortalyǵynyń» uiymdastyrýymen Myrzakent kentinde aýdannyń belsendi jastary Elbasynyń synyptasy Tólemisova Roza Máteqyzymen kezdesti.
Memleket basshysynyń eli úshin etken orasan zor eńbegine qurmet kórsetý maqsatynda Maqtaaraldyq jastardyń Elbasymen 10 jyl boiyna bir synypta oqyǵan qatarlasy Roza Tólemisovamen kezdesý keshin ótkizýi óńir jastaryna patriottyq tárbie men qatar tuńǵysh Prezidentimizdiń mektep qabyrǵasynda-aq uiymdastyrýshylyq qabileti kúshti, jan-jaqty bilimdi bolǵanyn bilýge zor múmkindik berdi. Elbasy synyptasy Roza Tólemisovanyń óz qatarlasy jaily syrly estelikter shertkende jas urpaq uiyp tyńdap, eń aldymen tek bilim ǵana kókjiekke jeteleitinin anyq túsinip, kókeilerine myqtap túidi.
«Búginde qazaq elin aidai álemge tanytyp, liderligin búkil dúnie moiyndaǵan Elbasy N.Á.Nazarbaev týraly qansha aitsaq ta jarasady. Al, ol kisi týraly qundy estelikterdi Elbasy synyptasynyń óz aýzynan esitý bir baqyt. Qaita oralyp kelmes saǵynyshty jyldardy erekshe bir sezimmen baiandaǵan Roza Máteqyzynyń áńgimesinen baiqaǵanymyz Elbasy jastaiynan jan-jaqty bolǵan. Bilimdiligi, uiymdastyrýshylyq qabileti, ózgelerge kómek qolyn sozýǵa árdaiym ázir turatyn qasietimen daralanǵan» deidi Maqtaaral aýdandyq ishki saiasat, mádeniet jáne tilderdi damytý bóliminiń basshysy Dosym Asabaev.
Jiyn sońynda Roza Tólemisova jastarǵa aqyl-ónegesin aityp, ult kóshbasshysyna tán bilimge, ónerge degen qushtarlyqty, izdenimpazdylyqty, eńbeksúigishtik qasietteri búgingi jas urpaqtyń boiynan kórgisi keletinin aitty. Al, Maqtaaraldyq jastar tarapynan Memleket basshysyna degen sheksiz qurmetti kórgen Elbasy synyptasy bul kezdesý arqyly balalyq bal dáýreni ótken Úshqońyr taýynyń etegine qaita sapar shegip qaitqandai áser alǵanyn jetkizdi.
