ماقتاارال اۋداندىق ٸشكٸ ساياسات, مەدەنيەت جەنٸ تٸلدەردٸ دامىتۋ بٶلٸمٸ مەن «جاستار رەسۋرستىق ورتالىعىنىڭ» ۇيىمداستىرۋىمەن مىرزاكەنت كەنتٸندە اۋداننىڭ بەلسەندٸ جاستارى ەلباسىنىڭ سىنىپتاسى تٶلەمٸسوۆا روزا مەتەقىزىمەن كەزدەستٸ.
مەملەكەت باسشىسىنىڭ ەلٸ ٷشٸن ەتكەن وراسان زور ەڭبەگٸنە قۇرمەت كٶرسەتۋ ماقساتىندا ماقتاارالدىق جاستاردىڭ ەلباسىمەن 10 جىل بويىنا بٸر سىنىپتا وقىعان قاتارلاسى روزا تٶلەمٸسوۆامەن كەزدەسۋ كەشٸن ٶتكٸزۋٸ ٶڭٸر جاستارىنا پاتريوتتىق تەربيە مەن قاتار تۇڭعىش پرەزيدەنتٸمٸزدٸڭ مەكتەپ قابىرعاسىندا-اق ۇيىمداستىرۋشىلىق قابٸلەتٸ كٷشتٸ, جان-جاقتى بٸلٸمدٸ بولعانىن بٸلۋگە زور مٷمكٸندٸك بەردٸ. ەلباسى سىنىپتاسى روزا تٶلەمٸسوۆانىڭ ٶز قاتارلاسى جايلى سىرلى ەستەلٸكتەر شەرتكەندە جاس ۇرپاق ۇيىپ تىڭداپ, ەڭ الدىمەن تەك بٸلٸم عانا كٶكجيەككە جەتەلەيتٸنٸن انىق تٷسٸنٸپ, كٶكەيلەرٸنە مىقتاپ تٷيدٸ.
«بٷگٸندە قازاق ەلٸن ايداي ەلەمگە تانىتىپ, ليدەرلٸگٸن بٷكٸل دٷنيە مويىنداعان ەلباسى ن.ە.نازارباەۆ تۋرالى قانشا ايتساق تا جاراسادى. ال, ول كٸسٸ تۋرالى قۇندى ەستەلٸكتەردٸ ەلباسى سىنىپتاسىنىڭ ٶز اۋزىنان ەسٸتۋ بٸر باقىت. قايتا ورالىپ كەلمەس ساعىنىشتى جىلداردى ەرەكشە بٸر سەزٸممەن بايانداعان روزا مەتەقىزىنىڭ ەڭگٸمەسٸنەن بايقاعانىمىز ەلباسى جاستايىنان جان-جاقتى بولعان. بٸلٸمدٸلٸگٸ, ۇيىمداستىرۋشىلىق قابٸلەتٸ, ٶزگەلەرگە كٶمەك قولىن سوزۋعا ەردايىم ەزٸر تۇراتىن قاسيەتٸمەن دارالانعان» دەيدٸ ماقتاارال اۋداندىق ٸشكٸ ساياسات, مەدەنيەت جەنە تٸلدەردٸ دامىتۋ بٶلٸمٸنٸڭ باسشىسى دوسىم اساباەۆ.
جيىن سوڭىندا روزا تٶلەمٸسوۆا جاستارعا اقىل-ٶنەگەسٸن ايتىپ, ۇلت كٶشباسشىسىنا تەن بٸلٸمگە, ٶنەرگە دەگەن قۇشتارلىقتى, ٸزدەنٸمپازدىلىقتى, ەڭبەكسٷيگٸشتٸك قاسيەتتەرٸ بٷگٸنگٸ جاس ۇرپاقتىڭ بويىنان كٶرگٸسٸ كەلەتٸنٸن ايتتى. ال, ماقتاارالدىق جاستار تاراپىنان مەملەكەت باسشىسىنا دەگەن شەكسٸز قۇرمەتتٸ كٶرگەن ەلباسى سىنىپتاسى بۇل كەزدەسۋ ارقىلى بالالىق بال دەۋرەنٸ ٶتكەن ٷشقوڭىر تاۋىنىڭ ەتەگٸنە قايتا ساپار شەگٸپ قايتقانداي ەسەر العانىن جەتكٸزدٸ.
