Qoldanbaly etnosaiasi zertteýler institýtynyń direktory Talǵat Qaliev Elbasy Nursultan Nazarbaevtyń el qaýipsizdigin qamtamasyz etken taǵdyrsheshti sheshimderi týraly aitty, dep habarlaidy QazAqparat.
«Memlekettik qurylys pen jańa respýblikany basqarý dástúri joq, kadr tapqyshylyǵy ótkir turǵan jáne áleýmettik-ekonomikalyq daǵdarys tereńdep ketken jaǵdaida elimizdiń Tuńǵysh Prezidenti Nursultan Nazarbaevqa minýt saiyn mańyzdy tarihi sheshimder qabyldaý qajet boldy. Olardyń árqaisysy búkil memlekettiń bolashaq traektoriiasyn aiqyndaý uzaq merzimdi áseri boldy jáne óz túzetýlerin engizip otyrdy. Buǵan qosa elge tóngen saiasi-ekonomikalyqtan bastap áleýmetti jáne etnosaralyq mindetter men problemalardyń barlyǵyn keshendi túrde sheshý de qajet edi. Onyń ústine túrli toptar tarapynan ksenofobiia men qaqtyǵystarǵa ot tastaýǵa tyrysqan arandatýshylar da boldy», - dedi ol «Nursultan Nazarbaev. Jaýapty basshylyq: Sabaqtastyq pen evoliýtsiia» taqyrybyndaǵy halyqaralyq konferentsiia barysynda.
Onyń atap ótýinshe, osyndai qiyn-qystaý kezeńde Nursultan Nazarbaev elimizdegi etnikalyq toptardyń basyn bosqan Qazaqstan halqy Assambleiasyn qurýǵa uiytqy boldy. Sol sátten bastap olardyń arasynda týyndaǵan kez kelgen shielenis kelissóz ústelinde sheshildi.
Sonymen qatar ol Elbasynyń qazaq memleketiniń shekarasyn shegendep, kórshi eldermen ortaq kelisimge kele alǵan erligin de airyqsha atap ótti.
«Nátijesinde búginde Qazaqstan shekarasy búkil ón boiynda tolyqtai delimitatsiialandy», - dedi Talǵat Qaliev.
.jpeg)