Áleýmettik jelide QR Prezidenti Nursultan Nazarbaevtyń Túrkiiaǵa sapary kezindegi saltanatty qarsy alý rásimine qatysty video jariialandy.
Eske sala ketsek, 13 qyrkúiekte Ankarada Nursultan Nazarbaev Túrkiia Respýblikasynyń Prezidenti Rejep Taiyp Erdoǵanmen kezdesti.
Memleket basshysyn Túrkiia Prezidentiniń kesheninde qarsy alýda zeńbirekterden dúrkin-dúrkin oq atyp qurmet kórsetildi. Eki eldiń ánurandary oryndaldy, Prezidentter qurmetti qaraýyl sapynyń aldynan ótti. Eki eldiń basshysynyń aldynda Prezident ulanymen birge saýyt kigen jaýyngerler de turdy.
Saltanatty qarsy alý rásiminen keiin Qazaqstan men Túrkiia prezidentteri arasynda kelissóz ótti. Kezdesýde memleketter basshylary eki jaqty yntymaqtastyqtyń jáne saýda-ekonomikalyq qatynastardy nyǵaitýdyń ózekti máselelerin talqylady.
