Ádilet ministrliginiń Tuńǵysh Prezident týraly zańǵa ózgertý engizýge bastama jasaý quqyq joq. Bul týraly QR Ádilet ministri Qanat Mýsin aitty, dep habarlaidy QazAqparat.
«Tuńǵysh Prezident týraly zań jaiynda aitar bolsaq, taǵy da qaitalaimyn, Qazaqstan Konstitýtsiiasy boiynsha zańnamalyq bastama jasaý quqyǵy úsh sýbektige – Prezidentke, Úkimetke jáne Parlament depýtattaryna tiesili. Ádilet ministrligi memlekettik organ retinde zańnamalyq bastama jasai almaidy. Soǵan orai Tuńǵysh Prezident týraly zańnamanyń kúshin joiý nemese ózgertýler engizý týraly Parlamentke usynys engizý quqyǵy joq» - dep atap ótti Qanat Mýsin Ortalyq kommýnikatsiialar qyzmetindegi baspasóz máslihaty barysynda.
Onyń aitýynsha atalǵan zańǵa ózgertýler qajettigi Qazaqstan qoǵamynyń pikirin eskere otyryp, qabyldanatyn bolady.
«Ol Májilis depýtattarynyń, sonymen qatar zańnamaǵa bastama jasai alatyn ózge de sýbektilerdiń ókilettikteri arqyly júzege asyrylýy múmkin. Sondyqtan «zańnamaǵa ózgertýler engizile me?», «qashan engiziledi?» degen saýalǵa jaýap bere almaimyn. Óitkeni, bul másele Parlament Májilisiniń kúntártibinde turǵan joq. Bolashaq kórsetedi», - dedi ministr.
