ەدٸلەت مينيسترلٸگٸنٸڭ تۇڭعىش پرەزيدەنت تۋرالى زاڭعا ٶزگەرتۋ ەنگٸزۋگە باستاما جاساۋ قۇقىق جوق. بۇل تۋرالى قر ەدٸلەت مينيسترٸ قانات مۋسين ايتتى, دەپ حابارلايدى قازاقپارات.
«تۇڭعىش پرەزيدەنت تۋرالى زاڭ جايىندا ايتار بولساق, تاعى دا قايتالايمىن, قازاقستان كونستيتۋتسيياسى بويىنشا زاڭنامالىق باستاما جاساۋ قۇقىعى ٷش سۋبەكتٸگە – پرەزيدەنتكە, ٷكٸمەتكە جەنە پارلامەنت دەپۋتاتتارىنا تيەسٸلٸ. ەدٸلەت مينيسترلٸگٸ مەملەكەتتٸك ورگان رەتٸندە زاڭنامالىق باستاما جاساي المايدى. سوعان وراي تۇڭعىش پرەزيدەنت تۋرالى زاڭنامانىڭ كٷشٸن جويۋ نەمەسە ٶزگەرتۋلەر ەنگٸزۋ تۋرالى پارلامەنتكە ۇسىنىس ەنگٸزۋ قۇقىعى جوق» - دەپ اتاپ ٶتتٸ قانات مۋسين ورتالىق كوممۋنيكاتسييالار قىزمەتٸندەگٸ باسپاسٶز مەسليحاتى بارىسىندا.
ونىڭ ايتۋىنشا اتالعان زاڭعا ٶزگەرتۋلەر قاجەتتٸگٸ قازاقستان قوعامىنىڭ پٸكٸرٸن ەسكەرە وتىرىپ, قابىلداناتىن بولادى.
«ول مەجٸلٸس دەپۋتاتتارىنىڭ, سونىمەن قاتار زاڭناماعا باستاما جاساي الاتىن ٶزگە دە سۋبەكتٸلەردٸڭ ٶكٸلەتتٸكتەرٸ ارقىلى جٷزەگە اسىرىلۋى مٷمكٸن. سوندىقتان «زاڭناماعا ٶزگەرتۋلەر ەنگٸزٸلە مە?», «قاشان ەنگٸزٸلەدٸ?» دەگەن ساۋالعا جاۋاپ بەرە المايمىن. ٶيتكەنٸ, بۇل مەسەلە پارلامەنت مەجٸلٸسٸنٸڭ كٷنتەرتٸبٸندە تۇرعان جوق. بولاشاق كٶرسەتەدٸ», - دەدٸ مينيستر.
