Memleket basshysy Joǵary Eýraziialyq ekonomikalyq keńestiń otyrysyna qatysty, dep habarlady "Ult aqparat" Aqordaǵa silteme jasap.
Keńeske Armeniia Respýblikasynyń Prezidenti S.Sargsian, Belarýs Respýblikasynyń Prezidenti A.Lýkashenko, Moldova Respýblikasynyń Prezidenti I.Dodon, Resei Federatsiiasynyń Prezidenti V.Pýtin, sondai-aq Qyrǵyz Respýblikasynyń Premer-Ministri S.Isakov pen Eýraziialyq ekonomikalyq komissiia alqasynyń tóraǵasy T.Sarkisian da qatysty.
Otyrysta memleketter basshylary Eýraziialyq ekonomikalyq odaq aiasyndaǵy ózara is-qimyldyń jáne ekonomikalyq odaqty odan ári damytýdyń birqatar ózekti máselelerin talqylap, Eýraziialyq ekonomikalyq komissiianyń esebin tyńdady.
Kelissózder barysynda Eýraziialyq ekonomikalyq odaqtyń qyzmeti múshe elderdiń ekonomikasyna oń áser etip otyrǵany jáne integratsiialyq úderisterdi kúsheitýdiń mańyzdylyǵy atap ótildi.
Nursultan Nazarbaev jiynda qabyldanǵan Eýraziialyq ekonomikalyq odaqtyń tsifrlyq kún tártibin iske asyrýdyń negizgi baǵyttarynyń mańyzdy ekenin aitty.
Sonymen qatar, Qazaqstan Prezidenti 2018 jyly odaqqa múshe elderdiń ekonomikasyn tsifrlandyrý jóninde Joǵary Eýraziialyq ekonomikalyq keńestiń arnaýly kezdesýin ótkizýdi usyndy.
Sońynda taraptar qol jetkizilgen ýaǵdalastyqtardy júzege asyrý Eýraziialyq ekonomikalyq odaq elderi arasyndaǵy yntymaqtastyqty budan da joǵary deńgeige kóterýge múmkindik beretinine senim bildirdi.
