Memleket basshysy Nursultan Nazarbaev Beibitshilik jáne kelisim saraiynda ótip jatqan Qazaqstan halqy Assambleiasynyń HHV sessiiasynda jastarǵa "qara jamylmańdar, bul - qazaqqa tán emes" dedi. Bul jaiynda Baq.kz tilshisi habarlaidy.
«Biz «ult» degen sózdi jii qoldanamyz. Men «ult» degen sózdi Qazaqstannyń barsha azamattaryna qatysty qoldanamyn... Biz basymyzdy artqa buryp qoiyp, aldyǵa júre almaimyz, kez kelgen tasqa shalynyp, basymyzdy jaryp alýymyz múmkin. Sondyqtan biz qazirgi kúnge jaramaityn nárselerden bas tartýymyz kerek. Mysaly, álemniń keibir aimaqtarynda Islam álemi men lańkestiktiń damyp kele jatqanyna kýámiz. Bul bárimizdi orta ǵasyrlyq kezeńge, iaǵni artqa tartady. Sondyqtan, men jastarǵa keritartpalyq jasamańdar dep eskertemin. Qara jamylmańdar, bul - qazaqtarǵa, jalpy barshamyzǵa múldem tán emes. Bizge basqa, bóten atribýttar ákelinip jatsa, alǵa qalai jyljýǵa bolady? Sondyqtan, birtektilik bolý kerek. Ol degenimiz biz barlyǵymyz bir maqsatty ustanyp, sol maqsatqa birge jetýimiz qajet», - dedi Memleket basshysy.
Atap ótsek, «Jańǵyrýdyń negizi - turaqtylyq, birlik, kelisim» taqyrybyndaǵy sessiiaǵa elimizdiń túrli aimaqtarynan 1500-den astam adam jinaldy. Olardyń qatarynda Assambleianyń barlyq óńirlerden kelgen músheleri men ardagerleri, respýblikalyq jáne óńirlik etnomádeni birlestikterdiń tóraǵalary, Parlament depýtattary, ortalyq atqarýshy organdardyń, saiasi partiialardyń, dini birlestikterdiń, ÚEU-nyń basshylary, JOO rektorlary, shet memleketterdiń diplomatiialyq missiialary, ǵylymi, shyǵarmashyl ziialy qaýym jáne BAQ ókilderi bar.
.jpeg)