«Elbasy qoǵam qairatkeri, Uly Otan soǵysynyń ardageri Sultan Jienbaevpen kezdesti», — dep habarlaidy Ult.kz tilshisi Aqordaǵa silteme jasap.
Nursultan Nazarbaev kezdesý barysynda S.Jienbaevqa qoǵamdyq jáne etnosaralyq kelisimdi ornyqtyrýǵa, el halqynyń birligin nyǵaitýǵa qosqan airyqsha úlesi úshin Memlekettik beibitshilik jáne progress syilyǵyn tabys etti.
Qazaqstan Prezidenti S.Jienbaevqa áskeri erligi men eldiń damýy jolyndaǵy aianbai etken eńbegi úshin alǵys aityp, alǵan marapatymen quttyqtady.
– Siz ótken ǵasyrdyń qiyn kezeńderiniń kýási boldyńyz. Uly Otan soǵysyn bastan aiaǵyna deiin ótkerdińiz, odan keiin Qazaqstan ekonomikasyn órkendetý jolynda qyzmet ettińiz. Táýelsizdik jyldarynda elimizge baǵa jetpes qoldaý kórsettińiz. Ótken ómirińizdi aita otyryp, jastardy tárbielep kelesiz. Bul týraly barshamyzǵa aian, az aitylyp, az jazylǵan joq. Búginde Sizdiń biik azamattyq qasietterińiz barsha Qazaqstannyń qurmeti men qoshemetine laiyq, – dedi Memleket basshysy.
Nursultan Nazarbaev Uly Otan soǵysynyń ardagerine zor densaýlyq pen baqyt tiledi.
S.Jienbaev respýblikanyń qalyptasýy men damýyndaǵy Qazaqstan Prezidentiniń jeke eńbegine toqtaldy jáne óz qyzmetin joǵary baǵalaǵany úshin alǵys aitty.
.jpeg)