Nursultan Nazarbaev Túrkiia Respýblikasynyń Prezidenti Rejep Taiip Erdoǵanmen telefon arqyly sóilesti. Bul týraly "Ult aqparat" elbasy.kz saityna silteme jasap habarlaidy.
Taraptar birin-biri Oraza ait merekesimen quttyqtap, zor densaýlyq pen tolaǵai tabys, al baýyrlas Qazaqstan men Túrkiia halyqtaryna baq-bereke tiledi.
Nursultan Nazarbaev pen Rejep Taiip Erdoǵan álemdegi koronavirýs pandemiiasy jaǵdaiyn talqylap, bul jahandyq daǵdarysty sátti eńserý úshin halyqaralyq kúsh-jigerdi biriktirýdi qoldady.
Áńgime sońynda taraptar eki el arasyndaǵy strategiialyq yntymaqtastyqty odan ári tereńdetýge jáne keńeitýge qyzyǵýshylyq bildirdi.
Telefon arqyly sóilesýge Túrkiia tarapy bastamashy boldy.
