Mádeniet jáne sport ministri Aqtoty Raiymqulova «Qazaq. Altyn adam tarihy» atty filminen alǵan áserin bólisti, dep habarlaidy QazAqparat.
«Osy tamasha film úshin Oliver Stoýn, Igor Lopatenok, Igor Kobzev, kompozitor Karlo myrzalarǵa, búkil túsirilim tobyna, osy jobaǵa atsalysqan árbir adamǵa óz atymnan, Mádeniet jáne sport ministrliginiń atynan airyqsha alǵys aitqym keledi», - deidi ministr.
Onyń aitýynsha, bul - Tuńǵysh Prezident týraly túsiriletin sońǵy film emes.
«Elbasynyń tulǵasy týraly áli talai film túsiriledi dep oilaimyn, kóptegen kitaptar jazylady. Oliver Stoýn myrza aitqandai, álem kóshbasshysy – bul bizdiń Nursultan Ábishuly Nazarbaev. Elbasy tulǵasynyń aýqymyn taný arqyly, táýelsizdigimizge 30 jyl tolǵanyn maqtan tutamyz», - degen Aqtoty Raymqulova Elbasynyń táýelsizdik jolyndaǵy eńbegine de toqtaldy.
«Biz óte baqytty halyqpyz, osyndai ádemi jerde ómir súrip jatyrmyz. Biz – uly tarihtyń, uly mádeniettiń muragerlerimiz. Elbasy Nursultan Ábishuly Nazarbaev memleket basynda bolyp, bizge táýelsizdik ákeldi», - dedi Mádeniet jáne sport ministri.
