Qazaqstan Prezidenti Nursultan Nazarbaev QR Parlamenti palatarynyń birikken otyrysynda quqyq qorǵaý júiesin reformalaý qajettigi týraly aitty, - dep habarlaidy kaz.tengrinews.kz tilshisi.
"(...) Sot júiesinde qajettiń barlyǵy qamtylǵan. Endi halyq óz máselesin sheshý úshin ákimdikke barmai, maǵan jazatyn bolsa nemese sotqa baratyn bolsa, onda sýdialardyń bedeli joǵarylaidy. Onda sizderdi bir jetistikke jetti dep sanaimyz. Al, politsiia jaily aitar bolsaq, munda isteitin dúnieler kóp", - dedi Nazarbaev.
"Biz Qylmystyq kodekske, Ákimshilik kodekske ózgertýler engizdik, biraq tergeý máselesinde adamǵa qysym kórsetýdiń ailasy áli bar. Adam ne qorǵaýshy protsestiń basynan bastap qatysýy kerek. Mysaly bir adamdy aqsha jymqyrdy dep aiyptaidy, biraq tergeýshide qajetti derek joq... Osylaisha ony aiypty etý úshin, onyń áieli úi satyp aldy degen siiaqty jala jabady. Osy derekpen sottaýǵa kirisedi. Bul naǵyz shekten shyqqandyq. Muny tergeýshiler isteidi, sebebi istiń basynan aiaǵyna deiin baqylaý joq. Qazirgi ýaqytta biz osy máseleni sheshý maqsatynda jumys istep jatyrmyz", - dedi Prezident.
