قازاقستان پرەزيدەنتٸ نۇرسۇلتان نازارباەۆ قر پارلامەنتٸ پالاتارىنىڭ بٸرٸككەن وتىرىسىندا قۇقىق قورعاۋ جٷيەسٸن رەفورمالاۋ قاجەتتٸگٸ تۋرالى ايتتى, - دەپ حابارلايدى kaz.tengrinews.kz تٸلشٸسٸ.
"(...) سوت جٷيەسٸندە قاجەتتٸڭ بارلىعى قامتىلعان. ەندٸ حالىق ٶز مەسەلەسٸن شەشۋ ٷشٸن ەكٸمدٸككە بارماي, ماعان جازاتىن بولسا نەمەسە سوتقا باراتىن بولسا, وندا سۋديالاردىڭ بەدەلٸ جوعارىلايدى. وندا سٸزدەردٸ بٸر جەتٸستٸككە جەتتٸ دەپ سانايمىز. ال, پوليتسييا جايلى ايتار بولساق, مۇندا ٸستەيتٸن دٷنيەلەر كٶپ", - دەدٸ نازارباەۆ.
"بٸز قىلمىستىق كودەكسكە, ەكٸمشٸلٸك كودەكسكە ٶزگەرتۋلەر ەنگٸزدٸك, بٸراق تەرگەۋ مەسەلەسٸندە ادامعا قىسىم كٶرسەتۋدٸڭ ايلاسى ەلٸ بار. ادام نە قورعاۋشى پروتسەستٸڭ باسىنان باستاپ قاتىسۋى كەرەك. مىسالى بٸر ادامدى اقشا جىمقىردى دەپ ايىپتايدى, بٸراق تەرگەۋشٸدە قاجەتتٸ دەرەك جوق... وسىلايشا ونى ايىپتى ەتۋ ٷشٸن, ونىڭ ەيەلٸ ٷي ساتىپ الدى دەگەن سيياقتى جالا جابادى. وسى دەرەكپەن سوتتاۋعا كٸرٸسەدٸ. بۇل ناعىز شەكتەن شىققاندىق. مۇنى تەرگەۋشٸلەر ٸستەيدٸ, سەبەبٸ ٸستٸڭ باسىنان اياعىنا دەيٸن باقىلاۋ جوق. قازٸرگٸ ۋاقىتتا بٸز وسى مەسەلەنٸ شەشۋ ماقساتىندا جۇمىس ٸستەپ جاتىرمىز", - دەدٸ پرەزيدەنت.
