Táýelsiz memlekettigimizdiń nyǵaiyp, aiaǵyna nyq turýyna áielderdiń qosqan úlesi erekshe. Bul týraly búgin Aqordada Qazaqstannyń áielder qaýymy ókilderimen «Kóktem shýaǵy» atty kezdesý barysynda Elbasy Nursultan Nazarbaev aitty, dep habarlaidy Ult.kz tilshisi QazAqparat agenttigine silteme jasap.
«Biz qasietti Táýelsizdigimizdiń úshinshi músheline aiaq bastyq. Osy jyldarda memlekettigimiz nyǵaiyp, aiaǵyna nyq turýyna áielderdiń qosqan úlesi erekshe. Elimizde eńbek etetin azamattardyń teń jartysynan kóbi qyz-kelinshekter. Áielder Úkimet quramynda, Parlament qabyrǵasynda, túrli deńgeidegi ákimdikterde tabysty jumys jasaýda», - dedi Qazaqstan Prezidenti.
Memleket basshysynyń dereginshe, bilim berý salasynda 65, densaýlyq salasynda 75, memlekettik qyzmette 55 paiyz áielder jumys isteidi. Jeke kásipkerliktiń teń jartysy, shaǵyn jáne orta biznestiń 42 paiyzy áiel azamattardyń qolynda. «Bolashaq» baǵdarlamasymen shetelden bilim alǵan 12 myńnan astam jastyń teń jartysy qyzdar.
«Birneshe jylda beri «Otbasy kúni» merekesin atap ótip kele jatqanymyzdy ózderińiz de bilesizder. «Mereili otbasy» baiqaýy jalpyhalyqtyq deńgeidegi sharaǵa ainalyp keledi. Byltyrdan beri bala quqyqtary jónindegi institýt qurylyp, jumys isteýde. Zaǵipa Balieva hanym ol ujymdy basqaryp keledi», - dedi Memleket basshysy.
Aita keteiik, kezdesýge Májilis depýtaty Zaǵipa Balieva, ǵalym-mikrobiolog Áliia Ernazarova, Ýniversiady-2017 chempiony Anna Shevchenko, QHA múshesi, aýyl mektebiniń direktory Irina Sedova, «Jas Atameken» jas kásipkerler klýbynyń prezidenti Zarina Kókjanova, aqyn Tolqyn Qabylsha, ánshi Mariia Galitskaia, «Teńizshevroil» JShS adam resýrstaryn basqarý bas menedjeri, aýdandyq aýrýhananyń bas dárigeri Qarlyǵash Rázieva, Ulttyq ekonomika vitse-ministri Mádina Ábilqasymova, «Astana-Balet» teatrynyń jetekshi balerinasy Milana Býkanova, kópbalaly ana Oksana Mýkasheva, qobyzdan halyqaralyq baiqaýlardyń laýreaty Aqerke Tájibaeva, Astana qalalyq kámeletke jasy tolmaǵandar isi jónindegi mamandandyrylǵan aýdanaralyq sottyń tóraǵasy Naziliia Razzak, Abai atyndaǵy memlekettik akademiialyq opera jáne balet teatrynyń solisi Oksana Davydenko, QR QK Parashiýt daiyndyǵy ortalyǵynyń aǵa mamany Rimma Ramazanova, aktrisa Saltanat Baqaeva, jýrnalist Venera Mirlanqyzy qatysýda.
.jpeg)