Ulttyq Bank Qazaqstan Respýblikasy Táýelsizdiginiń 30 jyldyǵyna arnalǵan nominaly 20 000 teńgelik mereitoilyq banknotty ainalymǵa shyǵarady, - dep habarlaidy "Ult aqparat" vedomstvonyń baspasóz qyzmetine silteme jasap.
Vedomstvo málimetinshe, mereitoilyq banknottyń dizainy biregei tehnologiia boiynsha daiyndalǵan: banknottyń tiginen ornalasqan jáne nominaldyń golografikalyq beinesin, Táýelsizdiktiń 30 jyldyǵyna arnalǵan logotipti jáne Memleket basshysy Qasym-Jomart Toqaevtyń faksimilesin qamtyǵan metalsyzdandyrylǵan jolaq álemde alǵash ret qoldanyldy.
Mereitoilyq banknottyń 27 qorǵanysh elementi bar. Banknottyń dizainy ainalystaǵy aqsha belgilerimen biryńǵai stilde jasalǵan: bet jaǵy, negizinen, tik beinelerdi, syrtqy jaǵy kóldeneń beinelerdi qamtidy. Banknot basym tús - sur túste oryndalǵan. Banknot kólemi - 155h79 millimetr.
Banknottyń bet jaǵy
Bet jaǵyndaǵy negizgi beineler - Qazaqstan Respýblikasynyń Memlekettik rámizderi, Qazaqstan Respýblikasynyń Tuńǵysh Prezidenti - Elbasy Nursultan Nazarbaev portretiniń golografiialyq beinesi, Qazaqstannyń táýelsizdigi men memlekettiliginiń nyshany retinde "Qazaq Eli" monýmenti, "Máńgilik El" saltanat qaqpasy, qazaqtardyń dástúrli turǵyn úii "Kiiz úidi" bezendirý jelisi boiynsha "Basqur" - taspasyndaǵy qazaqtyń ulttyq órneginiń fragmenti.
Banknottyń syrtqy jaǵy
Nominaly 20 000 teńgelik mereitoilyq banknot Qazaqstan Respýblikasynyń búkil aýmaǵynda tólemderdiń barlyq túri boiynsha naqty quny boiynsha qabyldaýǵa, sondai-aq Qazaqstan Respýblikasynyń barlyq bankterinde banktik shottarda aýdarýǵa, usaqtaýǵa jáne aiyrbastaýǵa mindetti.
Aita keteiik, Elbasynyń portreti bar nominaly 10 000 teńgelik alǵashqy mereitoilyq banknot 2016 jyly shyǵarylǵanyn jáne Qazaqstan Respýblikasy Táýelsizdiginiń 25 jyldyǵyna orailastyrylǵan bolatyn.
Búginde Qazaqstanda nominaly 200, 500, 1 000, 2 000, 5 000, 10 000 jáne 20 000 teńgelik banknottar ainalysta qoldanylyp júr.
