Qazaqstan Prezidenti CNBC Arabia telearnasyna suhbat berdi, dep habarlaidy Aqordanyń baspasóz qyzmeti.
Áńgime barysynda Nursultan Nazarbaev Qazaqstannyń aldaǵy kezeńde BUU Qaýipsizdik keńesine múshe bolýyna, iadrolyq qarýdy taratpaý jáne qarýsyzdaný salasyndaǵy jumsaǵan kúsh-jigerine bailanysty suraqtarǵa jaýap berip, respýblikanyń áleýmettik-ekonomikalyq damýy jóninde aitty.
Budan bólek, Memleket basshysy Siriiadaǵy qaqtyǵysty retteýge qatysty óz pikirin bildirdi.
Arab álemi elderindegi habar taratýshy iri kompaniianyń biri bolyp sanalatyn CNBC Arabia – qarjy-ekonomika taqyrybyna beiimdelgen, óńirlik jáne halyqaralyq aýqymdaǵy basty oqiǵalardy jariialap-kórsetýge mamandanǵan telearna.
