- Kezdesýde Memleket basshysynyń Serbiiaǵa biylǵy tamyzdaǵy resmi sapary barysynda qol jetkizilgen ýaǵdalastyqtardyń iske asyrylý máseleleri talqylandy, dep habarlaidy Ult.kz tilshisi QazAqparat agenttigine silteme jasap.
Qazaqstan Prezidenti Serbiia bizdiń respýblikanyń Eýropadaǵy mańyzdy seriktesi bolyp sanalatynyn jáne ekonomikalyq qarym-qatynasty damytý úshin jetkilikti áleýettiń bar ekenin atap ótti.
«Qazaqstanda Serbiianyń 24 kásiporny tirkelgen, alaida onyń qazir tek 15-i jumys istep tur. Sonymen birge, Serbiia biznesiniń Qazaqstanda tabysty jumys júrgizip otyrǵanynyń kórsetkishi retinde metropoliten, keńseler jáne bank ǵimarattary qurylysyna atsalysyp otyrǵan kompaniiany atap aitýǵa bolady. Eń aldymen ekonomikalyq yntymaqtastyqty jalǵastyryp, ony arttyrýǵa múmkindiktiń baryn osydan-aq ekenin kórýge bolady», - dedi Nursultan Nazarbaev.
Memleket basshysy Qazaqstan Úkimetimen Serbiia tarapynyń júrgizetin jemisti kelissózderi, bul eldiń aldaǵy birlesken biznes-forýmǵa qatysýy ekijaqty qarym-qatynasty nyǵaitýǵa tyń serpin beretinine senim bildirdi. Sondai-aq, Qazaqstan Prezidenti Serbiia kompaniialaryn «Nurly jol» infraqurylymdyq baǵdarlamasy men indýstriialyq-innovatsiialyq damý baǵdarlamasyn iske asyrýǵa belsene qatysýǵa shaqyrdy.
«Sizder álemniń úzdik oqytýshylarynyń basyn qosyp, bilim berýdiń jetekshi dástúrlerin ushtastyrǵan Nazarbaev Ýniversitetinde bolasyzdar. Ýniversitet stýdentterdiń bilim alýy úshin zamanaýi úzdik materialdyq-tehnikalyq qurylǵylarmen jabdyqtalǵan, oqý ornynyń eń basty maqsatynyń biri - memlekettik mindetterdi tiimdi iske asyrý úshin joǵary deńgeidegi kadrlar daiarlaý», - dedi Nursultan Nazarbaev.
Serbiia Premer-Ministri qonaqjailyq tanytqany úshin Nursultan Nazarbaevqa alǵys aityp, elimiz ben Astanany damytýǵa onyń zor úlesi qosqanyn atap ótti.
Budan bólek, A.Výchich ekonomikanyń túrli salasyndaǵy Qazaqstannyń damý tájiribesi Serbiia úshin paidaly ekenin aitty.
.jpeg)