Elbasy Nursultan Nazarbaev reseilik kompaniialardyń qazaqstandyq kásiporyndardy jekeshelendirýge belsendi qatysatynyna úmit bildirdi. Bul týraly Prezident Astanada Qazaqstan men Resei óńiraralyq yntymaqtastyq forýmy aiasynda ótip jatqan «Eýraziialyq keńistiktegi kólik-logistikalyq áleýetti damytý» biznes-forýmynda aitty, dep habarlaidy Ult.kz tilshisi Baq.kz portalyna silteme jasap.
«Biz qazir aýqymdy jekeshelendirýdiń kezekti kezeńine kiristik. Memlekettiń maqsaty – memlekettik kásiporyndardyń ekonomikadaǵy úlesin 15 paiyzdan asyrmaý. Básekeles ortaǵa jalpy quny 10 mlrd dollarǵa jýyq shamamen 800-dei kásiporyn satylady. Satylym túrli tásilmen – qarapaiym aýktsiondardan bastap strategiialyq investorlarǵa tikelei satý arqyly júzege asyrylyp jatyr», - dedi Prezident.
Memleket basshysy reseilik kompaniialardyń jekeshelendirýge belsendi qatysatynyna úmit bildirdi.
Aita ketsek, Qazaqstan men Reseidiń óńiraralyq yntymaqtastyq forýmy 2003 jyldan bastap ótkizilip keledi. 2015 jyly Sochide ótken forým «Agroónerkásiptik keshen salasyndaǵy yntymaqtastyq jáne azyq-túlik qaýipsizdigin qamtamasyz etý» taqyrybyn arqaý etken edi.
.jpeg)