Qurmetti Prezidentimiz Nursultan Ábishuly Nazarbaev myrza!
Armysyz halqymyzdyń qadirli azamaty, Nureke?!
Eń áýeli zamandas retinde, jaratýshy bir Alladan denińizge saýlyq tileimin. «Myń ólip, myń tirilse de» salmaqty da sabyrly, ańqaý qalpynan tanbaǵan jurtymyzdyń keleshegi men Táýelsizdigine jaýap berer amanatyńyzdyń asa aýyr ekeni ámbege aian! Zymyraǵan ýaqyta da toqtaý joq. Mine, shirek ǵasyr, iaǵni 25 jyl óte shyǵypty.
Bul joly Sizge memleketimizdiń keleshegi úshin aýadai qajet 3 túrli máseleni usyna otyryp, aqyldasqandy jón sanadym ;
Birinshi, - bizder ondaǵan jyldar boiy aityp kele jatqan « ...Ileniń sýy azaiyp, Balqashtyń tartylyp» bara jatqanyna qatysty usynys?!
Alataýdyń Almaty jaǵyndaǵy betinde úlkendi-kishili 800-ge tarta kól bar. Mine osy kólderdiń zámzámdai taza sýlary jaz boiy býlanyp aspanǵa ushyp joq bolýda?!. Osyny ǵylymi zerttei otyryp, paidalanýdyń jolyn tapsaq... Qytaiǵa da, qyrǵyzǵa da jalynyshty bolmas edik. Ol úshin osy kólderdi 1-1,5 metr tereńdikten Almatynyń ústinen aǵyp jatqan segiz ózenge qossaq, birinshiden jylda qaýiptenetin selden qutylar edik. Ekinshiden, Almaty mańynan jasandy 8 kól jasap, balyq pen orman sharýashylyǵyn damytýǵa jol ashylar edi. Úshinshiden, tartylý qaýpi tóngen Balqashtyń sýyn molaitar edik. Bul jaiynda byltyr Almatynyń jas ákimi Baýyrjan Baibektiń qabyldaýynda bolyp aitqan edim...
Al Jetisýdaǵy 43 ózendi qosý arqyly Balqashty teńizge ainaldyryp, búkil Qazaqstannyń ekologiiasyn túrlendirýdiń qajettigin Almaty oblysynyń ákimi Amandyq Batalovqa BAQ arqyly habarlaǵanmyn. Osy ideiany ózińizge jetkizýdi jón kórdim...
Ekinshi usynys. Sizdiń aitqan: «2020 jyly Qazaqstan azamattarynyń 90%-y memlekettik tildesóileidi» degen tujyrymdy iske asyrý mehanizimin usynamyn. Ol úshin biyl daiyndalyp, 2017-shi jyldyń qyrkúieginen bastap engiziletin Bilim reformasyn ózgertip, memleket qarjylandyryp, otyrǵan búkil mektepterdiń 1-shi synyptarynan bastap barlyq pánderdi túgeldei memlekettik tilde júrgizý kerek. Sonda, ózińiz aitqan «Qazaqstan halqynyń birligi - qazaq tilinde» degen ulaǵatty sóz is júzinde júzege asa bastaidy.
Úshinshi usynys. Men usynyp júrgen «Urpaq tárbiesiniń jańa ilimin» memlekettik deńgeide Ózińizdiń basshylyǵyńyzben qoldanysqa engizýimiz qajet. Bul ilimniń paidasynyń dáleli – osy tehnologiiamen ómirge kelgen respýblikamyzdaǵy 2 000-ǵa tarta búldirshin bola alady. Ózińizge jaqsy tanys bala Jambyl – osy ilimniń jemisi. Eger múmkindik bolsa, ózińizdiń qabyldaýyńyzda bolyp, bul jaiynda tolyq maǵulymat berer edim...
El-jurtymyzǵa qajet osy usynystardy joldaýshy:
Jazýshy-ǵalym, Meditsina jáne Pedagogika ǵylymdarynyń doktory, Qazaqstannyń Eńbek sińirgen qairatkeri, akademik Sovet-Han Ǵabbasuly
Ult portaly
