«Nur Otan» strategiialyq baǵyttan aýytqymaýy úshin búkil qoǵamdy jumyldyrýy tiis. Bul týraly «Nur Otan» partiiasy Saiasi keńesiniń keńeitilgen otyrysynda QR Tuńǵysh Prezidenti Nursultan Nazarbaev aitty, dep habarlaidy QazAqparat.
«Partiiamyz damýdyń jańa kezeńine kelip otyrǵanyn bárimiz túsinip, bilip otyrmyz. Zaman ózgerdi, jaǵdai ózgerdi. «Nur Otan» elimizdiń jetekshi kúshi retinde saiasi basshylyqty bekemdep, strategiialyq baǵyttan aýytqymaýy úshin búkil qoǵamdy jumyldyrýǵa tiis. Bul qur ásheiin aitylǵan sóz emes. Biz Qazaqstannyń, halyqtyń ortasyndaǵy eldi jeteleitin, elge túsindiretin uiymbyz. Eger ondai róldi oryndamasaq, onda bizdiń ornymyzǵa basqa partiia keledi. Sondyqtan jaýapkershilikti naqty túsinýimiz kerek«, - dedi QR Tuńǵysh Prezidenti.
Osy rette Elbasy partiianyń 2050 jylǵa deiin qabyldanǵan baǵdarlamasynda Qazaqstannyń damyǵan 30 eldiń qataryna kirý maqsaty qoiylǵanyn eske salyp ótti.
«Barlyq baǵdarlamalar soǵan bailanysty. Sol maqsatqa jetý úshin jasap jatyrmyz. Zaman talap etti. Indýstriialyq, infraqurylymdyq baǵdarlamalar, aýyl sharýashylyǵy, úi qurylysy, meditsina, halyqty aǵartý jumystarynyń barlyǵy bir múddege jetý máselesi. Barlyǵymyzdyń oiymyz osy maqsatqa jetý bolýy kerek», - dedi Nursultan Nazarbaev.
QR Tuńǵysh Prezidenti 2015 jyldan bastap 5 institýttyq reforma júzege asyrylyp jatqanyn aitty.
«Esterińizge sala keteiin, bul zań ústemdigi, ártaraptandyrýǵa negizdelgen ekonomikalyq ósim, bolashaǵy bir ult, transporentti ári esep beretin memleket. Bes baǵdarlama degen osyǵan bailanysty. 2017 jyly Parlament pen Úkimetti kúsheitý úshin bilik tarmaqtary arasynda ókilettikterdi qaita qarap, saiasi júieni jańǵyrttyq. 2018 jyly sailaý zańnamasyn jetildirdik. Máslihattardyń kelesi sailaýy alǵash ret partiialyq tizim boiynsha ótkizileiin dep otyr», - dedi Elbasy.
.jpeg)