Elbasy «Nazarbaev Ýniversiteti» derbes bilim berý mekemesiniń prezidenti Shigeo Katsýdy qabyldady, dep habarlaidy "Ult aqparat" Aqordaǵa silteme jasap.
Kezdesýde Qazaqstannyń Tuńǵysh Prezidentine «Nazarbaev Ýniversitetiniń» qazirgi damý barysy jáne joǵary oqý ornynyń túlekterine besinshi ret diplom tapsyrý rásimine daiyndyq jumystary týraly málimdeldi.
– Bizde halyqaralyq deńgeidegi ýniversitet bolady degenge kóbisi senbep edi. Mine, kóp jyldan beri osyndai ýniversitettiń rektorysyz. Joǵary oqý ornynyń ziiatkerlik áleýeti – oqý ornynyń deńgeiin kóterip jatqan ǵalymdar bar. «Nazarbaev Ýniversiteti» Qazaqstannyń brendine ainaldy, – dedi Elbasy.
Kezdesý qorytyndysy boiynsha Nursultan Nazarbaev birqatar tapsyrma berdi.
Sondai-aq, ol Parlament Májilisi Qarjy jáne biýdjet komitetiniń tóraiymy Gúljan Qaraqusovany qabyldady.
Kezdesý barysynda Komitettiń biýdjetti josparlaý jáne salyq saiasaty salasyndaǵy zań shyǵarý qyzmetiniń máseleleri talqylandy.
