QR Tuńǵysh Prezidenti Nursultan Nazarbaev týraly «Qazaq. Altyn adam tarihy» filminiń avtorlary ony túsirý barysy jaily aityp berdi, dep habarlaidy QazAqparat.
«Meniń bilýimshe, Qazaqstan keń baitaq el, biraq ol týraly Batysta az biledi. Sol sebepti meniń qyzyǵýshylyǵymdy týǵyzdy. Qazaqstan Qytai men Reseidiń arasynda ornalasqandyqtan geosaiasi jaǵynan Eýraziia úshin óte mańyzdy. Sol sekildi Qazaqstan Shyǵys pen Batystyń arasyndaǵy magnittik alań ortalyǵynda. Qytai men Resei jaqyn ornalasqan jáne eki el de bolashaq úshin mańyzdy», - dedi film avtory Oliver Stoýn «Habar» telearnasyna bergen suhbatynda.
Onyń aitýynsha, álem elderi ózara qaqtyǵysty toqtatyp, ortaq bolashaq úshin birikkeni jón.
«Nursultan Nazarbaev myrza men sizderdiń Prezidentterińiz tek Resei men Qytai arasyndaǵy beibitshilik pen teńgerimniń saqtalýynda ǵana emes, sondai-aq, AQSh pen Reseidiń jáne AQSh pen Qytai qarym-qatynasynda da mańyzdy ról atqarady. Atalǵan úsh memleket arasynda uzaqmerzimdi beibitshilik ornaidy dep jáne klimattyq ózgerister men basqa da máselelerdi sheshýde septigin tigizetin álem bolady dep úmittenemin. Soǵys ashpai, kerisinshe adamzattyń bolashaǵy úshin birigý mańyzdy. Ásirese búginde klimattyq ózgeris eń kúrdeli máselelerdiń biri bolyp otyr», - deidi ol.
Eske sala ketsek, ýkrainalyq rejisser Igor Lopatenok QR Tuńǵysh Prezidenti-Elbasy Nursultan Nazarbaev týraly «Qazaq. Altyn adam tarihy» atty film túsirdi.
