Elbasy Nursultan Nazarbaev Qytaiǵa memlekettik sapary aiasynda CNPC kompaniiasynyń basshysy Van Ilindi «Dostyq» ordenimen marapattady. Bul jaiynda Qazaqstan Prezidenti Qytaidyń biznes kapitandarymen kezdesýi barysynda aitty, dep habarlaidy QazAqparat tilshisi.
«Qazaqstan Respýblikasy Prezidenti janynda Shetel investorlary keńesi jumys isteidi. Ol turaqty túrde jylyna bir ret jinalyp turady. Onyń músheleriniń biri CNPC kompaniiasynyń basshysy Van Ilin myrzany búgin jumysy, kompaniianyń tabysty jumysy úshin «Dostyq» ordenimen marapattadym», - dedi Nursultan Nazarbaev.
Aita keteiik, Elbasy Nursultan Nazarbaev Qytaiǵa memlekettik saparmen kelip, keshe QHR Tóraǵasy Si Tszinpinmen keńeitilgen quramda kelissózder ótkizdi.
Nátijesinde birneshe qujatqa qol qoiyldy.
Sonymen qatar Memleket basshysy QHR Memlekettik keńesiniń premeri Li Ketsianmen, QR Prezidenti Búkilqytailyq halyq ókilderi jinalysy Turaqty komitetiniń tóraǵasy Li Chjanshýmen kezdesti.
Búgin, 8 maýsym kúni Nursultan Nazarbaev Beijińde Halyq batyrlary eskertkishine gúldestesin qoiý sharasyna qatysty.
Al 10 maýsym kúni QR Prezidenti Tsindao qalasynda ótetin Shanhai yntymaqtastyq uiymyna múshe memleketter basshylarynyń keńesine qatysady dep kútilýde.
