ەلباسى نۇرسۇلتان نازارباەۆ قىتايعا مەملەكەتتٸك ساپارى اياسىندا CNPC كومپانيياسىنىڭ باسشىسى ۆان يليندٸ «دوستىق» وردەنٸمەن ماراپاتتادى. بۇل جايىندا قازاقستان پرەزيدەنتٸ قىتايدىڭ بيزنەس كاپيتاندارىمەن كەزدەسۋٸ بارىسىندا ايتتى, دەپ حابارلايدى قازاقپارات تٸلشٸسٸ.
«قازاقستان رەسپۋبليكاسى پرەزيدەنتٸ جانىندا شەتەل ينۆەستورلارى كەڭەسٸ جۇمىس ٸستەيدٸ. ول تۇراقتى تٷردە جىلىنا بٸر رەت جينالىپ تۇرادى. ونىڭ مٷشەلەرٸنٸڭ بٸرٸ CNPC كومپانيياسىنىڭ باسشىسى ۆان يلين مىرزانى بٷگٸن جۇمىسى, كومپانييانىڭ تابىستى جۇمىسى ٷشٸن «دوستىق» وردەنٸمەن ماراپاتتادىم», - دەدٸ نۇرسۇلتان نازارباەۆ.
ايتا كەتەيٸك, ەلباسى نۇرسۇلتان نازارباەۆ قىتايعا مەملەكەتتٸك ساپارمەن كەلٸپ, كەشە قحر تٶراعاسى سي تسزينپينمەن كەڭەيتٸلگەن قۇرامدا كەلٸسسٶزدەر ٶتكٸزدٸ.
نەتيجەسٸندە بٸرنەشە قۇجاتقا قول قويىلدى.
سونىمەن قاتار مەملەكەت باسشىسى قحر مەملەكەتتٸك كەڭەسٸنٸڭ پرەمەرٸ لي كەتسيانمەن, قر پرەزيدەنتٸ بٷكٸلقىتايلىق حالىق ٶكٸلدەرٸ جينالىسى تۇراقتى كوميتەتٸنٸڭ تٶراعاسى لي چجانشۋمەن كەزدەستٸ.
بٷگٸن, 8 ماۋسىم كٷنٸ نۇرسۇلتان نازارباەۆ بەيجٸڭدە حالىق باتىرلارى ەسكەرتكٸشٸنە گٷلدەستەسٸن قويۋ شاراسىنا قاتىستى.
ال 10 ماۋسىم كٷنٸ قر پرەزيدەنتٸ تسينداو قالاسىندا ٶتەتٸن شانحاي ىنتىماقتاستىق ۇيىمىنا مٷشە مەملەكەتتەر باسشىلارىنىڭ كەڭەسٸنە قاتىسادى دەپ كٷتٸلۋدە.
