Qazaqstan Prezidenti Nursultan Nazarbaev kóterilistiń saldary qandai bolatynyn aityp berdi, - dep habarlaidy kaz.tengrinews.kz tilshisi.
"Ózderińiz biletindei, revoliýtsiiany bastan ótkerdik. 1917 jyly bolǵan revoliýtsiiany bilemiz, ol revoliýtsiiaǵa 100 jyl tolady. Basqa revoliýtsiialardy da bilemiz", - dedi Prezident Qazaqstan halqy assambleiasynyń XXV sessiiasy barysynda.
"1910 jyly Eýropanyń barlyq sarapshysy Reseidi 1950 jyly álemdegi eń myqty elderdiń biri bolady dep sanady. Sodan ne boldy? Revoliýtsiia aldy da barlyǵyn joq qyldy. Endi biz Keńes Odaǵyndaǵy ekonomikanyń Batys elderi ekonomikasynan 40-50 jylǵa qalyp qalǵanyn moiyndap otyrmyz. Iaǵni, bizge budan eshteńe bolǵan joq", - dedi Nursultan Nazarbaev.
Sondai-aq, Prezident frantsýz jazýshysy Fransýa Rene de Shatobriannyń sózin mysal etip keltirdi. "Adamzattyń paida bolý tarihy aýyrtpalyqtardan jáne azaptardan turady, iaǵni revoliýtsiiadan", - dep oqydy Memleket basshysy jazýshynyń sózin.
Sonymen qatar, ol qazaqstandyqtardy evoliýtsiialyq turǵyda damýǵa shaqyrdy.
"Men sizderdi toqtap qalmai, osydan 25 jyl burynǵydai evoliýtsiialyq turǵyda damýǵa shaqyramyn. Bul da - revoliýtsiia, biraq evoliýtsiialyq revoliýtsiia. Adam óliminsiz, ultqa bólinbei, azamattyq soǵyssyz - bizdiń balalarymyz osylai tárbielený kerek, bul bizge órkendeýge múmkindik beredi", - dedi Prezident.
Aita keteiik, búgin Qazaqstan Prezidenti Nursultan Nazarbaevtyń qatysýymen Qazaqstan halqy assambleiasynyń XXV sessiiasy ótip jatyr. Kún tártibinde: "Turaqtylyq, birlik, kelisim - jańǵyrtý negizi". Cessiiaǵa barlyq óńirdegi assambleia ardagerleri men músheleri, respýblikalyq jáne óńirlik etno-mádeni qaýymdastyqtardyń tóraǵalary, Parlament depýtattary, ortalyq atqarýshy organdardyń basshylary, saiasi partiialardyń músheleri, dini uiymdardyń ókilderi, ǵylymi jáne shyǵarmashylyq ziialy qaýym ókilderi qatysyp jatyr.
Sondai-aq, Nazarbaev osyǵan deiin qoǵamdyq sana qalai ózgeretinin aityp bergen bolatyn.
