Elbasy qory 850 myń adamǵa kómek kórsetti. Bul týraly Nursultan Nazarbaev qorynyń direktory, Qazaqstan jastary kongresi Qamqorshylyq keńesiniń tóraiymy Dariǵa Nazarbaeva aitty, dep habarlaidy QazAqparat.
«Osy joly forým beinekonferentsiia formatynda ótýde. Eshbir tehnikalyq progress jeke qaýyshyp, qol alysyp qarym-qatynas jasaýdyń baǵa jetpes múmkindigine jetpeidi. Barlyǵymyz bir-birimizdi saǵynamyz jáne epidemiiany jeńip, ómirimz burynǵy qalpyna qaita oralatynyna senimdimiz. Biylǵy jyl elimiz úshin jáne árbireýimiz úshin úlken synaq jyly boldy. Pandemiianyń qara bulty adamdardyń densaýlyǵyna nuqsan keltirip, ómirlerin qiyp, álemge qaýip-qater tóndirdi», - dedi ol «Jańa jaǵdaidaǵy jastar: Is-qimyl kezeńi» atty onlain forýmnyń ashylýynda.
Osy rette Dariǵa Nazarbaeva jaqyndarynan aiyrylǵan adamdarǵa kóńil aitty.
«Bul óte qatal orny tolmas qaiǵy. Basqasynyń barlyǵyn ornyna qaita keltirýge bolady. Men Qazaqstan jastar kongresiniń barlyq belsendilerine, eriktilerge barlyǵymyz úshin osyndai qiyn kezeńde adamdarǵa adal nietpen qol ushyn berip kómek kórsetkenderi úshin zor qurmetpen alǵys aitam. Bizdiń eriktiler Elbasymyzdyń bastamasy - #BIZBIRGEMIZ jobasyn sátti iske asyrý úshin kóp jumys atqardy. Myńdaǵan mekenjailarǵa azyq-túlik, dári-dármekter, sanitarlyq qural-jabdyqtar jetkizildi. Birinshi kezekte erekshe qajettiligi bar adamdarǵa, muqtaj kópbalaly otbasylarǵa, áleýmettik mekemelerge jetkizildi. Osy kezeńde, kóktemde elimizdiń barlyq turǵyndarynyń birligin, barlyǵymyzdyń birge ekendigimizdi seziný óte mańyzdy boldy», - dedi Dariǵa Nursultanqyzy.
Onyń atap ótýinshe, bul iske jeke tulǵalar, qoǵamdyq uiymdar, jeke kompaniialar atsalysty.
«Elbasy Qory, onyń negizin qalaýshynyń tapsyrmasy boiynsha, 850 myń adamǵa kómek kórsetti. Qazaq eli jomart adamdarǵa bai. Biz olardyń márttigi men qaiyrymdylyǵy úshin zor rizashylyǵymyzdy bildiremiz. Bizdiń tamasha jastarymyz bar. Elgezek! Jomart! Jankeshti! Men senderdi maqtan tutam!», - dedi ol.
Aita keteiik, Aqparat jáne qoǵamdyq damý ministrligi Qazaqstan Jastar kongresimen seriktestikte respýblikanyń barlyq aimaqtaryn onlain formatta bailanystyra otyryp, «Jańa jaǵdaidaǵy jastar: Is-qimyl kezeńi» respýblikalyq jastar bilim berý jobasyn iske qosty. Atalmysh shara biylǵy jyly onlain formatynda ótip jatqan «Zeren» bilim berý lageri aiasynda uiymdastyryldy.
