Ár jyl saiyn QR Tuńǵysh Prezidenti – Elbasy kitaphanasynda bilikti mamandar men daryndy stýdentter bas qosady. Biyl «Rýhani jańǵyrý: bolashaqqa bastar jol» taqyrybyndaǵy ótken seminar-trening jańa bastamalar men tyń jobalarǵa muryndyq bolǵandai.
Eki kúndik seminar-treninginiń osy jolǵy qatysýshylary – Shákárim atyndaǵy Semei memlekettik ýniversiteti men M.Ótemisuly atyndaǵy Batys Qazaqstan memlekettik ýniversitetiniń stýdentteri boldy.
Dárister negizinen Qazaqstan Respýblikasynyń Prezidenti N.Á.Nazarbaevtyń tujyrymdamalyq ideialary men jahandyq bastamalaryn zertteýge baǵyttalǵan. Uiymdastyrýshylyq jumystarda kitaphanadaǵy bilikti mamandardyń, ǵylymi qyzmetkerlerdiń atqarǵan eńbegi shyn máninde orasan zor ekeni kórinip tur. Sonymen qatar, «Bolashaq» halyqaralyq stipendiiasynyń iegeri, «Rýhani jańǵyrý» keńselik basqarmasy «Atameken» ishki baǵdarlamasynyń bas menedjeri Nurlan Óteshevpen kezdesý, filosofiia ǵylymdarynyń doktory, professor Telebaev Ǵaziz Tursynbekulynyń mazmundy dáristeri de málimet qorynyń aiasyn keńitti deýge bolady. Trening, tájiribelik sabaqtar liderlik qasietterdi qalyptastyryp, jobalyq ári syni oilaýǵa daǵdylaný jaiynan maǵulmat berdi. Jiyn sońynda Elbasy kitaphanasy direktorynyń birinshi orynbasary Ámirhan Rahymjanov quttyqtap, tyńdaýshylarǵa sertifikat tabystady. Alǵash ret sáýleti erekshe ǵimaratta ótken mundai taǵylymdy shara meni erekshe áserge bóledi.
Elorda sapary jáne Elbasy kitaphanasymen tanysyp, tájiribe almasýǵa múmkindik bergen Semei qalasynyń Shákárim atyndaǵy memlekettik ýniversitetiniń rektory Eskendirov Meiir Ǵaripollaulyna alǵysymdy bildiremin.
Oralbekova Baqytgúl Seitmýhambetqyzy
Shákárim atyndaǵy Semei memlekettik ýniversiteti,
«Máńgilik El» kafedrasynyń meńgerýshisi m.a.
.jpeg)