Túrki integratsiiasynyń arhitektory, Qazaqstan Respýblikasynyń Tuńǵysh Prezidenti – Elbasy Nursultan Nazarbaev Halyqaralyq Túrki akademiiasy ujymyn 10 jyldyq mereitoiymen quttyqtap, hat joldady, dep habarlaidy atalǵan uiymnyń resmi saity.
«Sizderdi Halyqaralyq Túrki akademiiasynyń qurylǵanyna 10 jyl tolýymen quttyqtaimyn! Akademiia osy merzim ishinde baýyrlas elderdiń tarihy men tilin, mádenieti men ádebietin zerttep-zerdeleitin irgeli ǵylymi ortalyqqa, bedeldi halyqaralyq uiymǵa ainaldy. Maqsatty jumystar júrgizýdiń nátijesinde ortaq oqýlyqtar ázirlenip, álemniń birqatar tilderinde kitaptar jariialandy. Birikken Ulttar Uiymynnda jáne IýNESKO-da Uly Dalanyń tarihy men tulǵalary jóninde kóptegen halyqaralyq jiyndar ótkizildi» delingen quttyqtaý hatta.
Sondai-aq, Nursultan Nazarbaev uiymnyń elimizde «Rýhani jańǵyrý» baǵdarlamasynyń aiasynda júzege asyrylyp jatqan igilikti sharlardy týystas halyqtarǵa tanystyrý oraiynda da birqatar jumystar atqarǵanyn atap ótken. Odan bólek, «ǵylymi yqpaldastyq negizinde júrgizilgen arheologiialyq qazba jumystary tarihymyzdy túgendeýge qosylǵan laiyqty úles» dep baǵalaǵan.
Sóz sońynda Tuńǵysh Prezident akademiianyń qyzmeti aldaǵy kezde de jemisti jalǵasa berýine tilektestigin bildirgen.
Aita ketý kerek, Elbasy N.Nazarbaevtyń tikelei bastamasymen Nahchyvan kelisimi negizinde 2010 jyly 25 mamyrda irgesi qalanǵan Túrki akademiiasy búginde tolyqqandy halyqaralyq uiymǵa ainaldy.
.jpeg)