Memleket basshysy Nursultan Nazarbaev qazaqstandyqtardy elimizdiń sailaý júiesiniń 25 jyldyǵymen quttyqtady. Memleket basshysynyń quttyqtaýyn elimizdiń Memlekettik hatshysy Gúlshara Ábdiqalyqova QR Ortalyq sailaý komissiiasynyń 25 jyldyǵyna arnalǵan halyqaralyq konferentsiia barysynda oqyp berdi, dep habarlaidy QazAqparat tilshisi.
«Elimiz Táýelsizdik alǵan sátten bastap memlekettik jáne saiasi qurylymdy jetildire otyryp, kezeń-kezeńdik reformalar jolymen júrip keledi. Qazaqstan bul saladaǵy keń aýqymdy jahandyq yntymaqtastyqtyń belsendi jaqtasy bola otyryp, sailaý quqyǵy men sailaýlardy uiymdastyrýdaǵy joǵary halyqaralyq standarttardy nyq ustanatyndyǵyn pash etedi», - dedi Elbasy quttyqtaýynda.
Sonymen qatar Qazaqstan Prezidenti senimdi ári tiimdi jumys isteitin sailaý institýty eldiń jahandyq básekege qabilettiliginiń jáne turaqty damýynyń basty faktory sanalatyndyǵyn basa atap ótedi.
«Barlyǵyn osynaý ataýly mereitoiymen - Qazaqstan Respýblikasy sailaý júiesiniń 25 jyldyǵymen quttyqtaimyn», - dedi Nursultan Nazarbaev.
Aita keteiik, eki kúnge sozylatyn sharaǵa Ázerbaijan, Resei, Latviia, Litva, Tájikstan, Grýziia, Qyrǵyzstan syndy elderdiń Ortalyq sailaý komissiialarynyń tóraǵalary qatysýda. Konferentsiia aiasynda QR Ortalyq saýlaý komissiiasy men Ázerbaijannyń Ortalyq sailaý komissiiasy jáne Iordaniianyń Táýelsiz sailaý komissiiasy arasynda ózara túsinistik týraly memorandýmǵa qol qoiylmaq.
.jpeg)