QR Prezidenti Nursultan Nazarbaev qazaqstandyqtardy Oraza ait merekesimen quttyqtady, dep habarlaidy "Ult aqparat" Aqordaǵa silteme jasap.
«Qurmetti otandastar! Barshańyzdy kúlli álem musylmandary úshin airyqsha qasterli meiram - Oraza ait merekesimen shyn júrekten quttyqtaimyn! Qasietti Ramazan aiy - rýhani jańarýdyń simvoly. Bul kezde adamdar meiirimdilik, izgilik, tatýlyq pen kelisim siiaqty biregei qundylyqtarǵa bet buryp, árkim óziniń áreketi men ózgelerge qarym-qatynasyn qaita bir saralaidy», - dedi Elbasy.
Memleket basshysynyń aitýynsha, rýhani jańaryp, jańǵyrýǵa talpyný bárimiz úshin mańyzdy jáne ol qazirgi qazaqstandyq qoǵam aldyndaǵy mindetterge neǵurlym sai keledi.
«Biz erte zamannan ozyq ǵylym men bilimdi damytýǵa jol ashyp, adamdardy ózderin jetildirýge jáne úndestikte ómir súrýge bastap kele jatqan qasietti islamnyń jasampaz rólin kádege jarata bilýimiz kerek.
Osy mereke kúnderi árbir musylman jaqsy ister jasaýǵa, jaqyndaryna qýanysh syilap, muqtaj jandarǵa kómektesýge tyrysady.
Osyndai izgi nietter men igilikti ister elimizdiń birligi men tutastyǵyn saqtaýǵa zor septigin tigizetin bizdiń ulttyq biregeiligimizge negiz bolýda.
Shýaqty Oraza ait merekesinde barshańyzǵa zor densaýlyq, amandyq jáne baq-bereke tileimin!», - delingen Prezidenttiń quttyqtaýynda.
.jpeg)