Otandyq buqaralyq aqparat quraldaryna suxbat bergen QR Prezidenti Nursultan Nazarbaev qaltaly azamattardy shetelden kelip jatqan qandastarǵa kómek berýge úndedi. Bul týraly "Egemen Qazaqstan" jazdy.
«Qandastaryn eline shaqyryp jatqan dúniede úsh-aq memleket bar. Sonyń bireýi - Qazaqstan. Bastapqy kezderde biz ádeii sol elderge baryp, jaǵdailaryn surap, birinshi Quryltaidy ótkizdik. Uly kóshti bastadyq. Sodan beri bir million qandasymyz keldi. Olardan ósip jatqan urpaqtar odan da kóp. Uly kósh toqtaǵan joq. Eshqashan da toqtatpaimyz, eshkimge qarsylyǵymyz joq. Kelem degenderge esik ashyq», - dedi Prezident.
Shetelde áli de 4 mln-nan astam qandastarymyz bar ekenin aitqan Memleket basshysy olardy jyly kóńilmen qabyldaýymyz kerektigin de aityp ótti.
«Ol jaqta jaǵdailary jaqsy, qiynshylyq kórmese, tura bersin. Kelem degenderge kel deimiz. Bizdiń qaltaly azamattarǵa aitarym, qandastyrymyzdy qabyldaýǵa jaqyn bolýymyz qajet. Qazir arnaiy qor quryldy. Sol qorǵa qol ushyn berýimiz kerek. Jumysqa ornalasýǵa, baspana salýǵa, az da bolsa, kómek berýimiz kerek. Kvotany kóbeitip jatyrmyz. Sondyqtan jýrnalister de osy máseleni aityp otyrsa, qiynshylyq bolsa, bárimiz kómektesip otyrsaq, barlyq qandastarymyzǵa jaqsylyq jasaǵanymyz bolyp sanalady», - dep atap kórsetti Elbasy.
