وتاندىق بۇقارالىق اقپارات قۇرالدارىنا سۇxبات بەرگەن قر پرەزيدەنتٸ نۇرسۇلتان نازارباەۆ قالتالى ازاماتتاردى شەتەلدەن كەلٸپ جاتقان قانداستارعا كٶمەك بەرۋگە ٷندەدٸ. بۇل تۋرالى "ەگەمەن قازاقستان" جازدى.
«قانداستارىن ەلٸنە شاقىرىپ جاتقان دٷنيەدە ٷش-اق مەملەكەت بار. سونىڭ بٸرەۋٸ - قازاقستان. باستاپقى كەزدەردە بٸز ەدەيٸ سول ەلدەرگە بارىپ, جاعدايلارىن سۇراپ, بٸرٸنشٸ قۇرىلتايدى ٶتكٸزدٸك. ۇلى كٶشتٸ باستادىق. سودان بەرٸ بٸر ميلليون قانداسىمىز كەلدٸ. ولاردان ٶسٸپ جاتقان ۇرپاقتار ودان دا كٶپ. ۇلى كٶش توقتاعان جوق. ەشقاشان دا توقتاتپايمىز, ەشكٸمگە قارسىلىعىمىز جوق. كەلەم دەگەندەرگە ەسٸك اشىق», - دەدٸ پرەزيدەنت.
شەتەلدە ەلٸ دە 4 ملن-نان استام قانداستارىمىز بار ەكەنٸن ايتقان مەملەكەت باسشىسى ولاردى جىلى كٶڭٸلمەن قابىلداۋىمىز كەرەكتٸگٸن دە ايتىپ ٶتتٸ.
«ول جاقتا جاعدايلارى جاقسى, قيىنشىلىق كٶرمەسە, تۇرا بەرسٸن. كەلەم دەگەندەرگە كەل دەيمٸز. بٸزدٸڭ قالتالى ازاماتتارعا ايتارىم, قانداستىرىمىزدى قابىلداۋعا جاقىن بولۋىمىز قاجەت. قازٸر ارنايى قور قۇرىلدى. سول قورعا قول ۇشىن بەرۋٸمٸز كەرەك. جۇمىسقا ورنالاسۋعا, باسپانا سالۋعا, از دا بولسا, كٶمەك بەرۋٸمٸز كەرەك. كۆوتانى كٶبەيتٸپ جاتىرمىز. سوندىقتان جۋرناليستەر دە وسى مەسەلەنٸ ايتىپ وتىرسا, قيىنشىلىق بولسا, بەرٸمٸز كٶمەكتەسٸپ وتىرساق, بارلىق قانداستارىمىزعا جاقسىلىق جاساعانىمىز بولىپ سانالادى», - دەپ اتاپ كٶرسەتتٸ ەلباسى.
