Elbasy kórnekti qalamger, Qazaqstannyń halyq jazýshysy, Memlekettik syilyqtyń laýreaty Qabdesh Jumadilovtiń ómirden ótýine bailanysty orny tolmas aýyr qaiǵyǵa ortaqtasyp, kóńil aitty, dep habarlaidy QR Tuńǵysh Prezidentiniń baspasóz qyzmeti.
Qazaqstannyń Tuńǵysh Prezidenti Qabdesh Jumadiluly qarymdy shyǵarmashylyǵymen, qajyrly qairatkerligimen qazaq ádebietiniń damýyna qomaqty úles qosqan asa talantty tulǵa bolǵanyn atap ótti.
«Daraboz daryn iesi óziniń mazmuny bai kóptegen áńgimeleri men hikaiattary, keń tynysty epikalyq romandary arqyly ulttyq prozanyń ósip-órkendeýine ólsheýsiz eńbek sińirip, qily zamandarda túrli teperish kórgen qazaq halqynyń talaily taǵdyry men tarihyn, aýmaly-tókpeli tutas dáýirdiń kelbetin qapysyz somdady. Onyń sońynda qalǵan kesek týyndylary – ádebietimizdiń altyn qorynda saqtalatyn shyn mánindegi qundy rýhani qazyna.
Alash jurtynyń qaltqysyz qurmetine bólengen abzal azamattyń esimi men jarqyn beinesi jurtshylyq jadynan eshqashan umytylmaidy dep senemin», – delingen jedelhatta.
