EKSPO kórmesine daiyndyq jumystaryn pysyqtaýǵa arnalǵan jiynda QR Prezidenti Nursultan Nazarbaev EKSPO-2017 kórmesin barlyq BAQ-ta belsendi nasihattaýdy tapsyrdy, dep habarlaidy QazAqparat.
«Kórmeniń maqsaty el bedelin arttyrý úshin ǵana emes, kelýshilerge aldyńǵy qatarly tehnologiialarmen tanystyrý ekendigin atap ótkim keledi. Kelýshilerdi ǵana emes, Qazaqstan azamattaryn. EKSPO-2017 kórmesin, onyń eksponattaryn álemge jáne el ishinde nasihattaýda barlyq buqaralyq aqparat quraldaryn tartý qajet. Abaev, buǵan sen jaýaptysyń. Kórmeni tamashalaýdyń mańyzdylyǵy men mánin halyqqa uǵynyqty jetkizý kerek», - dep atap ótti Elbasy Aqparat jáne kommýnikatsiia ministri Dáýren Abaevqa qaratyp aitqan sózinde.
Prezident, sonymen qatar, EKSPO nysandaryn kórmeden keiin de qoldaný máselesine toqtaldy. Onyń aitýynsha, árbir nysan el igiligi úshin tiimdi qoldanylýy tiis, shyǵyndy ótep qana qoimai, el ekonomikasyna qyzmet etýi shart.
Úkimetke jáne «Astana EKSPO-2017» kompaniiasynyń basshylyǵyna Prezident kórme aiaqtalǵan soń, EKSPO nysandaryn qoldanýdyń qosymsha nusqalaryn pysyqtaýdy tapsyrdy.
