QR Tuńǵysh Prezidenti Nursultan Nazarbaev «Nur Otan» partiiasynyń belsendi múshelerin irikteýdi júktedi, dep habarlaidy QazAqparat.
«Partiia barynsha barlyq baǵdarlamalardy, «Nur Otan» partiiasynyń sailaýaldy baǵdarlamasyn, sailanǵan Prezident Qasym-Jomart Kemeluly Toqaevtyń usynystaryn iske asyrýy kerek. Bizdiń partiia osyǵan jumylyp, oryndalý barysyn baqylap, Úkimetke ákimdermen birge óz oryndarynda esep berip, kúndelikti máselelerdi sheshýi tiis. Qol sermei bermeńizder. Baǵdarlamalar men qarjylandyrý bar. Jumys isteńizder. Qoldaryńyzdan ne keletinin kórsetińizder. Demek, óńirlerde barynsha jumys júrgizip, árbir adammen júkti kóterisý kerek. Aldaǵy sailaýda belsendi ári laiyqty partiialastardy ortaǵa shyǵarý úshin jaǵdai jasaý qajet«, - dedi Nursultan Nazarbaev «Nur Otan» partiiasy Saiasi keńesiniń keńeitilgen otyrysynda.
Elbasynyń aitýynsha, partiia quramynda qazirgi ýaqytta belsendi azamattar joq emes - bar, «biraq búgin ol jetkiliksiz bolyp tur».
«Búgin men júieli túrde partiialyq qaita órkendeýdi usynamyn. Onyń taqyryby – «Senim. Dialog. Bolashaqqa senim. Partiianyń tiisti impýlstary». Birinshiden, partiianyń belsendi múshelelerin biriktirýi tiis. Olardy – «iadrolyq» dep ataý kerek. Iadrolyq degen – iadrolyq bomba emes, belsendi músheler degen sóz. Kóshege shyǵyp, shyndyǵyn dáleldei alatyndar. 800 myń partiialastyń ishinde kim ózin belsendi túrde kórsete alady? Shymkentte partiianyń týyn jyrtyp ketkende eshkim bylq etken joq. Bári otyrdy. Partiia qaida boldy? Keiin ǵana qalpyna keltirildi. Mine, osy kezde belsendilik kórinýi kerek edi», - dedi Elbasy.
