قر تۇڭعىش پرەزيدەنتٸ نۇرسۇلتان نازارباەۆ «Nur Otan» پارتيياسىنىڭ بەلسەندٸ مٷشەلەرٸن ٸرٸكتەۋدٸ جٷكتەدٸ, دەپ حابارلايدى قازاقپارات.
«پارتييا بارىنشا بارلىق باعدارلامالاردى, «Nur Otan» پارتيياسىنىڭ سايلاۋالدى باعدارلاماسىن, سايلانعان پرەزيدەنت قاسىم-جومارت كەمەلۇلى توقاەۆتىڭ ۇسىنىستارىن ٸسكە اسىرۋى كەرەك. بٸزدٸڭ پارتييا وسىعان جۇمىلىپ, ورىندالۋ بارىسىن باقىلاپ, ٷكٸمەتكە ەكٸمدەرمەن بٸرگە ٶز ورىندارىندا ەسەپ بەرٸپ, كٷندەلٸكتٸ مەسەلەلەردٸ شەشۋٸ تيٸس. قول سەرمەي بەرمەڭٸزدەر. باعدارلامالار مەن قارجىلاندىرۋ بار. جۇمىس ٸستەڭٸزدەر. قولدارىڭىزدان نە كەلەتٸنٸن كٶرسەتٸڭٸزدەر. دەمەك, ٶڭٸرلەردە بارىنشا جۇمىس جٷرگٸزٸپ, ەربٸر اداممەن جٷكتٸ كٶتەرٸسۋ كەرەك. الداعى سايلاۋدا بەلسەندٸ ەرٸ لايىقتى پارتييالاستاردى ورتاعا شىعارۋ ٷشٸن جاعداي جاساۋ قاجەت«, - دەدٸ نۇرسۇلتان نازارباەۆ «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسىندا.
ەلباسىنىڭ ايتۋىنشا, پارتييا قۇرامىندا قازٸرگٸ ۋاقىتتا بەلسەندٸ ازاماتتار جوق ەمەس - بار, «بٸراق بٷگٸن ول جەتكٸلٸكسٸز بولىپ تۇر».
«بٷگٸن مەن جٷيەلٸ تٷردە پارتييالىق قايتا ٶركەندەۋدٸ ۇسىنامىن. ونىڭ تاقىرىبى – «سەنٸم. ديالوگ. بولاشاققا سەنٸم. پارتييانىڭ تيٸستٸ يمپۋلستارى». بٸرٸنشٸدەن, پارتييانىڭ بەلسەندٸ مٷشەلەلەرٸن بٸرٸكتٸرۋٸ تيٸس. ولاردى – «يادرولىق» دەپ اتاۋ كەرەك. يادرولىق دەگەن – يادرولىق بومبا ەمەس, بەلسەندٸ مٷشەلەر دەگەن سٶز. كٶشەگە شىعىپ, شىندىعىن دەلەلدەي الاتىندار. 800 مىڭ پارتييالاستىڭ ٸشٸندە كٸم ٶزٸن بەلسەندٸ تٷردە كٶرسەتە الادى? شىمكەنتتە پارتييانىڭ تۋىن جىرتىپ كەتكەندە ەشكٸم بىلق ەتكەن جوق. بەرٸ وتىردى. پارتييا قايدا بولدى? كەيٸن عانا قالپىنا كەلتٸرٸلدٸ. مٸنە, وسى كەزدە بەلسەندٸلٸك كٶرٸنۋٸ كەرەك ەدٸ», - دەدٸ ەلباسى.
